جعلكم في جنات النعيم ووالديكم ومن تحبون أدخلو

السلام عليكم
انا قصتي من اول ماولدت وولدي صياح
في الاربعين قلت هذا كل الاطفال وصبرت
وبعدها بشهرين حسيت صياحه مو طبيعي لدرجه انه يعقد دقيقه يغشى
ماخليت ولا دكتور
وكلن يقول هذا طبيعي غازات ومغص
وصرت استخدم اليانسون والنعناع واشياء زي كذا
ومن شهرين لحد الحين عمره7 شهور وهو مايمر يوم مايصيح
والله ارضعه وانومه واغير له واعطيه مويه كل ماعطشت
بس تخيلوا كذا ساكت يسولف ويصيح بقوه لدرجه ماأقدر أقعده يصير شاد كانه يبغى يوقف
والله ماتهنيت
كل الناس بزرانهم اذا وصلوا 5 شهور بدو يحلون يسولفون
قسم بالله يابنات كانه فيه شئ بسم الله عليه يفرح ويضحك ثم كأن احد طاقه يصيييييييييييييييح
تكفون المغص يقولون يوقف له اكثر شئ 5 شهور
والغازات والله اتغره واحطه على بطنه وادهن بطنه بزيت دافي
واحط له شاي اطفال
وماء غريب
واليانسون والنعناع والكمون
كل شئ جربته والله اني اصيح وانا اكتب لكم
خلاص تعبت
مافيه الا اوديه لواحد يقراء عليه بس زوجي رافض
الله يدخلكم جنات النعيم انتي واالديك واهلك ومن تحبين افرجولي والله احس تعبت نفسيا لاغدا ولاعشاء صاحي
انا عارفه طولت عليكم بس هذي قصتي
ارجوكم اللي جربت مثلي تطمني وتقول تجربتها والله لدعيلها واخصها باسمها بان يحقق لها ربي ماتتمنى