بيقولو للسما حلاها**** و مـنـعـرف إنـو الـقـمـــر
و بيهدي للأرض ضياها****من الليل لطلـوع الفجــر
بس القمر .. انغاظ انقهر ****لمّا خِبر .. أصـل السحــر
أصل الضيا .. أصل الوفا .. أصل الفخر **** شهيدك .. يا سورية الحر
نــوره ...... أصل الضيا **** ريـحــه ..... أصل العطــر
شهيدك يا سورية بيكفي *****للأرض يمـلاهــا فــخــــر
* * * * * * * * * * *
شعبك ... عزم و إصرار ****ع دربك ... درب الأحرار
صـوتـك ... هـزم الفجّار ****بـعــون الـرب الـجـبّـــار
* * * * * * * * * * *
و بدرعا ... الهمة قويـة **** و بتزيدها .. حـمـص العديـة
و بتكمّلها الشام الأبيـة ****و حمـاة و إدلـب و اللاذقيـة
و عنّا شباب من ديرالزور**** لدوما لجبلة لجسرالشغور
بيشعّلو الثورة متل نمور **** و بـيـضـووهـا بـأحلـى نــور
* * * * * * * * * * *
شعبك ... عزم و إصرار****ع دربك ... درب الأحرار
صـوتـك ... هـزم الفجّار**** بـعــون الـرب الـجـبّـــار
* * * * * * * * * * *
لو الدنيا علينا بتأسى **** لـو العـالـم كلّـو ينسى
كلمتنا رح توصل و تعلا****حتى لـو كانت بهمسة
أم الشهيد لا تخافي**** ابـنـك بـالـجـنــة غـافــي
و أنـا ع دربـو ماشي **** و دربو إلي بلسم شافي
* * * * * * * * * * *
نــوره ...... أصل الضيا ****ريـحــه ..... أصل العطــر
شهيدك يا سورية بيكفي ****للأرض يمـلاهــا فــخــــر
* * * * * * * * * * *
قمر الأرض بسوريـة ****هــتـف و نـادى لـلـحـريـة
انخطف بيد الأسدية ****اختفى و غاب عن عينيَّ
اختفى و نوره .. بأرضك ضل**** و ريحه عطر .. أزكى من الفل
و اسمه شوكة .. ما بتنسل****من قلب الأسد ..حتى ينشل
* * * * * * * * * * *
و بـــــــــيـــــــقــــــــــو لـــــــووووو
........للسما حلاها ****و منـعـرف إنـو الـقـمـــر
و بيهدي للأرض ضياها ****من الليل لطلـوع الفجــر
بس القمر .. انغاظ انقهر **** لمّا خِبر .. أصـل السحــر
أصل الضيا .. أصل الوفا .. أصل الفخر ****شهيدك .. يا سورية الحر
* * * * * * * * * * *
هتفنا و كلمتنا قلنا ****و إن كان صمتكم يقتلنا
بيكفينا إنو الله معنا ****و لغيره ما نزلنا و ركعنـا
ع الحق ثبتنا و صبرنا ****و عليـه مـوتتنا و عيشـتـنـا
إن متنـا نكسـر ذلتنـا ****و إن عشنا نكسب كرامتنا
* * * * * * * * * * *
شعبك ... عزم و إصرار****ع دربك ... درب الأحرار
صـوتـك ... هـزم الفجّار**** بـعــون الـرب الـجـبّـــار
الصفحة الأخيرة
مشاهد القتل والتعذيب قطعت قلوبنا
يارب ارحم ضعفهم وانصرهم على الظالم بشار