جمعتنا والتكنولوجيا ......احد يدل الشبكه بكبرها افصلها عليهم

السلام عليكم ورحمة الله وبركاته

انا اختكم جديده واول موضوع لي هنا في هالمنتدى الرائع من زمان بخاطري اسجل بس ماتيسرت الا قريب

والله يعينكم علي بـأول موضوع شكاوي :o
بس بجد والله تعبت من هالوضع >>طيب وش مشكلتك :024:

ياطويلات العمر انا بتكلم عن هالتكنولوجيا اللي دمرتنا من كل ناحيه فوق النظر اللي راح جابت لنا العقده

كل ماتجمعنا كل وحده على جوالها وعلى الواتساب جعله الماحي :angry2:بجد تعبت تسولف الوحده شوي وتجلس على جوالها شوي طيب ليش طالعه اقعدي ببيتك الله لايهينك ابرك :icon36:

ماعاد فيه وناسه مثل قبل لا وصرت اكره التجمعات بسبب التكلف الزايد اذا ماسويتي عشر طعش صحن حلى ومديتي سفره >>ادري ماتبون تاكلون تبين تحطينها صورة عرض وتكتب تسلمين ام فلان على السهره الحلوه>>تسذوب انتي واياها متى جات حلوه الا ممله :06:

طيب ليه ماهوب قهوه وشاي وتمر ونوع حلى ونسولف وننبسط وتسذا :icon36:

عاد في بالي اقتراح شكلي بكل جمعه بأخذ كل جوال واعطيها كرت واذا جات تروح تأخذ جوالها ومع السلامه

والله بجد ملل ياربي عاد انتو بجمعاتكم كذا والا بس جماعتي :confused:

حتى البزارين كل واحد على ايبوده ماعاد تحركو ولعبو وحسسونا بالحياه والصوت واللعب

استغفر الله ياربي لاتقولون المجتمع اللي تغير :angry2:التكنولوجيا اللي غيرتنا
امي الغاليه فديت روحها تشتكي لنا تقول ليش الحياه كذا كل وحده على جوالها ماعاد به سوالف ولا علومن طيبه
وهي صادزه من حياتهم قبل الله يجعلها ترجع لمجتمع كذا

نفسي افصل الشبكه بكبرها احد يدلها تكفون :06:

<<<الموضوع فضفضه وبس قلت اللي بخاطري وعندي اقتراح انكم اذا تمونون على بعض تتفقون الجوال مافيه طول السهره والاكل مانبي بذخ الله يرحمنا الناس مجاعه وحنا نتنافس بالاصناف وليتهم ياكلون بأصلح لهم بوفيه واثنين لو يبون بس فشخره تصوير وتقول اسوي رجيم :angry2:

واتمنى اكون خفيفه عليكم حبيباتي :humm:وماأزعجتكم بهذرتي :22: