جمله وش وراك فاضيه/ فضلاً... تابعي مواضيعكِ عند طرحها

مساء الخير. كلمه او جمله دائم توجه لي وهي وش وراك فاضيه لازوج. ولا اطفال. زي مثلا الدراسه يدرسون معنا في المعهد متزوجات واذا تناقشنا في شي من الدرس. او كيف نذاكر او مثلا الدرس صعب. تقولي وحده ايه المفروض تذاكرين وش وراك لا زوج ولا اطفال. حتى اذا تكشخت ولبست او سولفت عن الموضه والمشغل جاني الرد ايه فاضيه لا زوج ولا اطفال. ولا دائم يقولون لي اشتغلي مسائي وصباحي اقول والله صعبه اكرف من الصباح الى المغرب انا لي طاقه. ويجيني الرد وش وراك لا زوج ولا اطفال. ولا مره. في رمضان. دقت علي وحده قالت وش جالسه تسوين قلت ابد تسحرت وجالسه استغفر قالت ايه وش وراك مو زيي طول الليل وانا اكرف اصلح سحور زوجي عنده ربعه انا ودي اقول لاي وحده توجه لي ها العباره. كان ما تزوجتي لا صرتي منتي متحمله. لا وتتكلم كنها شايله الدنيا فوق راسها الي يقهرني زياده اذا سمعت ها الجمله من حريم اصغر مني بسبع او ثمان سنوات بس عشان هم متزوجات خاصه اذا كنت وسط مجموعه ووجه لي ها الكلام عندهم ودي انفجر اقول انا عارفه اني بلا زوج ولا اطفال بدون ما تنبهيني زي مره بنت خالي الي كنت اشيلها يوم كانت طفله قبل امس قالت لي في شركه قدمي اشتغلي فيها قلت بس بعيده مررره عننا وين بيروح وقتي بطريق بعدين انا مرتبطه بدوام الصباح ردت علي وانت وشوراك فاضيه لازوج ولا. انا ما مسكت نفسي رديت قلت وانت بعد بديتي في ها الجمله