*****السلام عليكم ورحمة الله وبركاته****
تحية طيبة لحبيباتي واخواتي بنوتات وسيدات عالم حواء الراقيات
اااخ من زمان ماكتبت موضوع...
والحقيقه انكم وحشتووني وحشتوووني موت ..رغم اني كنت اتابع منتدايا الحبيب من فترة لفترة لأنو ماكان عندي نت وكنت فأي فرصة القاها ادخل المنتدى اقرا المواضيع زي الملهوفه بسم الله عليا:35:
الموهيييم...الي استفز مشاعري وخلاني ارجع للكتابة بعض المواضيع!!!:mad:
ياااناااااس صار فيه هوس هووووس شديييييييد بالبياض لدرجة بعض البنات يكتبوا ويستفسروا عن امكانية وضع الوزغ عشان يبيضو!!!!
لهدي الدرجة؟؟؟ لدرجة انك تحطي وزغ على جسمك ووجهك!! والوزغ للي ماتعرفه حشرة زاحفه أمرنا الرسول صلى الله عليه وسلم بقتلها من مسمياتها الاخرى بريعصي او ظاطور !!:angry:
لكن مرات ما الوم البنات الي يوصل تفكيرهم لكذا لكن الوم المجتمع الي رسخ مفهوم انو البيضا هي الجميله وهي الحلوة وهي اللي تبهر الانظار وهي الواااااو!!!
والسمرا صفر عالشمال مهما كانت تمتلك من مقومات الجمال من ملامح حلوة وشعر وجسم وووو ماعدا البياض!!!
ماالومهم لأنو فعلا عذاب والم نفسي يوصلهم للتفكير بهدي الطريقه ويخليهم مستعدين لأي شي مقابل البياض وبالتالي انها تنحسب ضمن الجميلات خاصة في العوايل الي اغلبهم بيض والي عندهم تمجيد غير طبيعي للبياض...والمصيبه تكون اعظم
لما تكون البنت لسه صغيرة وماتعرف كيف تهتم بنفسهاوكيف تبرز جمالها وجاذبيتها وثقتها بنفسها معدومه ولا تقدر تواجه الي حولها وتثبت لهم انها جميله وجذابة لأنهم اصلا حطموا ثقتها بنفسها.... سواء بتعليقات جارحه او بتجاهلها ومدح البيض قدامها والانبهار الشديد بهم رغم انو بعضهن مو الكل مافيهم ذرة جمال...فتبدا تفكر وتقول لنفسها لازم اصير بيضا اخ لو كنت بيضا كان غطيت عليهم كلهم...ليش محد يمدحني وتاخذها افكارها انها تجرب كلللل شي في سبيل البياض..او الجمال وطبعا هذا شي غلط ميه في الميه!!!
والمجال مفتوح للكل للنقاش وابداء الرأي...
المفاجأة.!!!!
اني انا كنت من هذولا البنات (لكن ماوصل تفكيري للوزغ الحمدلله خخخخخ)
لكن بقدرة الله قدرت اغير نظرة الناس اللي حولي واثبتلهم اني جميله وجذابة وبسماري!!!
وصاروا البيضاوات في عيلتنا يتمنوا لوني!!!!
يهمكم تعرفوا كيف؟؟؟؟
تابعوني في الصفحات المقبله.....
راح اقلكم كيف قدرت اغير نفسي وكيف بدأت عنايتي واهتمامي وكيف اكتسبت ثقه عقلانيه بالنفس
واهم الخلطات والكريمات الحلوة واللي فعلا تحصلي نتيجه من وراها
برنامج متكامل للجسم والوجه + نصائح وكيف تحصلي على نيو لوك متكامل وانيق
واهم شي كيف تاثري باللي حولك وتقنعيهم انك فعلا روعه وجميله وكيف تثبتي في اللاشعور عندهم انو السمار يجننن...
تابعوني وشرفوني بردودكم وتعليقاتكم اللذيذه الي تسعدني....