جيت ابشرها بحملي قالت ياسدت النفس ع هالخبر آآآه ياقلبي بس واسوني

السسسلآم عليكم ورحمه الله وبركاتو
كيفكم بنات ؟؟ وربي وحشتوني مره

وربي اليوم دموعي اربع اربع


بقولكم حالي بأختصار
انا متزوجه من سنتين وطالبه وباقيلي ع التخرج ان شاء الله سنتين وترم الموهم بدايه زواجي حملت بس الله ماكتب حملي يتم مات الجنين فيني ولمن اكتشفو موته قالو لازم عمليه تنظيف بأسرع وقت انا خفت فرحت لممرخه تمرخني ومرختني وادتني دواء يطرح ولا طاح وطولت واخذت تقريبا اسبوع الدكتوره حددت موعد للعمليه وقالتلي من قبل صلاه الفجر لا تاكلي ولا شي تعالي جعانه طبعا كان معي نزيف وقبل العمليه نصحوني بنات انو اكل تمر وقرفه واكلت وزاد النزيف فرحت قلت امكن يطيح من دون عمليه جا وقت العمليه ولا طاح وتوكلت ع ربي ورحت وتبهذلت اخذت تقريبا اكثر من نص يوم ممنوع اكل ولا اشرب اي شي عشان البنج ينفع معي وجيعاانه موت وعطش والدنيا حر
آآه بهذله لفتكرتها اكره حالي الموهم ادتني حبوب طلق وعلعله بس ربك كريم وسويت العمليه وكنت مااااره تعبانه وتنومت بالمستشفي
ورحت ع بيت اهلي ارتاح هناك مع المراجعات وكذا

امي فرحت انو سقطت تقول صغيره انتي وكذا
وانا قلت خيره ان شاء الله
مرت سنه وانا ماره ماودي بالبزوره الان لكن من اصرار اهل زوجي ع زوجي وزنهم ع راسو حملت وماكنت ناويه لكن زوجي كان ناوي الله يهيده بكيت قبل ليسير الحمل خفت لمن كشفت انو حامل تأقلمت قلت يلا هذا المكتوب والمقدر
خبيت عن امي لانو عارفه ردت فعلها لمن احمل

والان انا الحمد لله بالشهر الثاني قبل كم يوم قلت لازم اخبر امي ويوم خبرتها تغير وجهها انا حملت حالي ورحت عند اختي جاتني وقالت ياسدت النفس ع هالخبر :44: فيه ام تقول لبنتها هالكلام ؟؟
توقعتها بتزغرط من الفرحه آآآه بس
امي زعلت وراحت عني
اتصلت ع زوجي قلتله تعال انا تعبانه جا ورحت من دون ما امي تدري اتصلت ع قالت ليش رحتي قلت تعبت بس قالت طيب
الموهم اليوم مرا كنت متردده اروح عارفه اش راح يجي من امي
لمن رحت اليوم خاصمتني ع حملي قالتلي ليش تحملين قلت مو بيدي خصوصا انو هذا البكر ما اقدر اكل حبوب منع حمل ولا حاجه قالت كيف القدر :44:قلت مو بيدي قالت الا بيدك قالت محد راح يستقبلك بنفاسك لانو امي راح تكون والده معي بنفس الوقت ماحتكون فاضيتلي الموهم قالتلي نفاسك بيكون ببيتك :icon33: بكر اش دراني عن حاجه
وقالت اطرحيه قالتلي شيلي شي ثقيل يمكن يطيح قلت لا محشيل شي ولا حاجه امي مرا عصبت ع قالت بجد ماتعرفي توقتي قلت مو بكيفي مقدر ومكتوب وانا الدمعه ع الباب المشكله انو زوجي قبل فتره قبل الكلام هذا كله قالي لو طاح حملك وكنتي السبب مابكون راضي عليك ابد



واسوني وربي وربي خلاص احس ضايقه فيني الدنيا ع بالي بفرح امي سارت زعلانه ع :44:


اسفه طولت هروج