يا بنات انا الحين جالسه عند اهلي
بسب مشاكل قد صارت علي انا و زوجي وهو كان السبب فيها
وهي على اتفه الاسباب بس انا كنت اسكت له ولا ارد عليه بالمررره
وتمادى وصاار يتريق عليه و على اي شي اسوويه
وصرت اكتم زياده عشانه وراتبه قليل وكل شي ناقص
وكل شي ينحرق قلبي على نقصه
عندي بنتين كل شي كل شي لهم من عند اهلي
المهم ضغط نفسي بقووووه
فجاء يووم نمت فيه قبل المغرب وانا كنت متضايقه بالمره
وهو خرج بعد ما ترجيته يطلعنا معاه او يوديني لاهلي
فرفض وقالي كلام جارح وسكت وما رديت
ويوم صحيت بس ابكي فيني طاقة بكاء عجيبه
بدات الحاله يوم الخميس والجمعه رحت الاهلي و ترجيته يتركني انام عند امي ورفض
وتكلم عليه في التلفوون وحنا راجعين بالسياره
بكيت وطلعنا البيت وقعدت اقووله اني متضايقه وكان ودي اقعد عند امي
ابغا ارتاح هو قالي خلاص بكره اوديك
بس صحينا الصبح قلت له هاه توديني قاام صارخ ولعن ابووي وامي وطردني قالي ابغا ارجع ما القاك قدامي وزوود عليه البكاء وحسيت اني جاني حاله نفسيه
يعني على قد ما صبرت عليه وسكت واتحملت هو ما يتحمل يخليني عند امي ارتاح من حنته
وعذره كيف يرجع من الدوام وما يلقى قدامه اكل وقهوته وشاهي
قلت طيب فكر فيني شووي انا بمووت من القهر والبكا وانت همك بس بطنك
ما رد طلع وبعد ساعه رجع يتصل عليه ويعتذر
وخلاص انتهى الموضوع
رجع من دوامه
حطيت الغداء وقاعدين ناكل ما قدرت امسك نفسي صحت
ما قالي شي ولا علق بكلمه
خلص اكله ونام
ورجعت اصيح بدون اني اقدر ارد نفسي او اوقف
داوم الاحد و مافيه شي اسويه غدا
ولا فيه شي ناكله انا وبناتي وبعد المغرب كلمته وقلت
بروح لاهلي وجا اخووي واخذني
بعد ما وصلت بساعتين
كلمني ولعن وسب وقالي كسري شريحتك ما عاد بيننا شي
و انا افكر اني لوحدي بالغرفه اثاري اخوي
نايم تحت ورا السرير ولا شفته
وسمعني وانا ابكي واترجاه بس سوا نفسه ما سمع شي تنحنح وقام خرج
جت امي دخلت وشافتني ابكي وحكيتها عصبت امي قالت خلاص خليك لين يجي
وابوك يكلمه انك تعبانه
وحكت ابووي القصه
قالي ابوي خليه لين يجي واتفاهم معاه انا عندي كل شي عادي الا السب والعن
دامه راضي ليش رجع يهينك
اليووم الثلاثاء
خالي كان عندنا وهو مو خال عدوو
جا زوجي بس ما جا عشان ياخذني لا جاب اغراض لبناته وراح
و قام ابوي وحكى خالي الاهو جاي يعني ينصح
بس انا قلت له لا انا وزوجي ما بيننا شي ابد وراح
ماعاد ادري ووش اسووي انا مقفله جوالي من يوم قالي كسري شريحتك
وفتحتها اليوم بعد ما جاب الاغرااض
سالتكم بالله يا بنات انصحووني وقولو لي وش اسووي
بدووووون تجريح تراني بمووت ماعاد فيني اتحمل كلمة عتااب
يلزم عليك تسجيل الدخول أولًا لكتابة تعليق.
اختي ريحي بالك وصلي ركعتين والله كلنا عندنا هموم بس اهم شي صححتك لا يجيك شي من القهر فكري ببنات والا زوجك الله يرحم حالك والله ماعرف وش اقولك بس بقولك كلمه قالتها لي وحده الله نورلها بدنيا والاخره بعض الرجال لازم توقينه عند حده وفي بعض الامور لازم تاخذين موقف منها لاتبكين ولاتنقهرين انبسطي وخلي ابوك يتفاهم معه والله يخسر لك ويجبر كسرك يارب
حبيبتي بقولك شي وسحر عظيم تسحرين فيه زوجك وان شاء الله يرجعلك بحب
حبيبتي قومي صلي ركعتين وادعي ربك بكل اللي ببالك بخضوع وخشوع وابكي بين يدي الرحمن فهو سبحانه القادر على تسخير زوجك لك ورددي دائما ربي سخر لي زوجي وحنن قلبه عليه يارب ياحي ياقيوم ولاتتركين قيام الليل ابدا حتى لو تصالحتوا ياقلبي فسهام الليل لاتخطيئ ابدا
اختي قلب زوجك بين اصبعين من اصابع الرحمن يقلبه كيف يشاء ادعيله بالهدايه والصلاح وبقولك وصيه اخت عاشت اكثر من تجربتك اصلحي مابينك وبين الله يصلح مابينك وبين زوجك لاتجتمعوا على معصيه سواء مسلسلات او اغاني اواي ذنب تقربي لربك ليرظى سبحانه عنك ويرظي الناس سامحيني اختي اذا كنت قسيت عليكي وانا اشوف انك ماغلطتي ابدا وصبرتي وتحملتي عصبيته خلااااااااااص انشغلي بعبادتك عند اهلك وتئكدي لو سويتي بوصيتي راح يرجعلك ان شاء الله موفقه حبيبتي ودمتي بخير
حبيبتي قومي صلي ركعتين وادعي ربك بكل اللي ببالك بخضوع وخشوع وابكي بين يدي الرحمن فهو سبحانه القادر على تسخير زوجك لك ورددي دائما ربي سخر لي زوجي وحنن قلبه عليه يارب ياحي ياقيوم ولاتتركين قيام الليل ابدا حتى لو تصالحتوا ياقلبي فسهام الليل لاتخطيئ ابدا
اختي قلب زوجك بين اصبعين من اصابع الرحمن يقلبه كيف يشاء ادعيله بالهدايه والصلاح وبقولك وصيه اخت عاشت اكثر من تجربتك اصلحي مابينك وبين الله يصلح مابينك وبين زوجك لاتجتمعوا على معصيه سواء مسلسلات او اغاني اواي ذنب تقربي لربك ليرظى سبحانه عنك ويرظي الناس سامحيني اختي اذا كنت قسيت عليكي وانا اشوف انك ماغلطتي ابدا وصبرتي وتحملتي عصبيته خلااااااااااص انشغلي بعبادتك عند اهلك وتئكدي لو سويتي بوصيتي راح يرجعلك ان شاء الله موفقه حبيبتي ودمتي بخير
walah2sa
•
لاتتصلين لمين يحس بغيابكم اكيد فيه شي ماثر على نفسيته وحاس انه مقصر معكم
الله يسخر لك يارب
الله يسخر لك يارب
الصفحة الأخيرة
بيت اهلك على الاقل لين ترتاح نفسيتك وادعي ربي يسخره لك ويهديه