بمناسبه موسم التخفيضات وقرب مواسم الخير العيدورمضان
الشراء قائم على قدم وساااق من قبل الحريم
الاسواق زحممه خصوصا في المحلات الكبيره والي مخفضة لدرجة 50%
طبعا في هذه الزحمة وهذا الهجوم على الشراء وفكرة لازم نلحق الاشياء قبل تخلص تشوفي العجب
فوضى مالها اول من آخر في مراكز التسوق
كل واحد بيدور على مشترياته بطريقه اقرب للهمجيه
وتخريب بالملبوسات وبالارفف بطريقه عجيبه
ولاكاننا ناس متحضره ولا كاننا عمرنا ما شفنا سوق ولا رفوف
مافي ادنى احترام لا للمحل وعماله ومجهوداته ولا للي بيتسوق غيرك لما يجي ويحصل هذه الاكوام من البضائع وهيا غير مرتبه
مارح اطول عليكم وتعالو نشوف الصور الي توضح حقيقه الحال
هنا منظر المحل او ما تدخل او قبل الهجوم عليه
الصور من سنتر بيونت ورد تاغ
لاحظي كيف مرتب ونظيف وقادره انك تشوفي كل الالوان والاشكال
ليش الي يشتري ما ياخذ غرضه ويمشي
ليش لازم ينزل الصق كلو علشان يدور على مقاسه ولا شكل يعجبه
طيب حتى لو فتحت واحد ولا اثنين
ما تبغيهم رجعيهم بطريقه مرتبه
اما كذااا
وهذا المنظر المألوف عند رفوف العروض المخفضه الي يجيك باول المحل
كانك تشتري من بسطه مو من محل راقي
تفتشي بين الاكوام علشان تطلعي الي تبغيه
هنا فكرة اني ما ارجع الي اخدته مكانه
ارميه باي مكان حتى لو بقسم ثاني اصلا مو قسمه
فعادي تحصلي ملابس رجاليه بقسم الحريم واطفال عند الاكسسورات
ودنيا ملخبطه
فكرة اني لما اخذ شئ من العامود او من صف الي فيه الملابس مارجعه مكانه احطه فوق العامود وامشي
زي
هذه جركة جدا تزعج يعني كيف انا بتختار ولا اتفرج واكوام ملابس بعلاقاتها فوق العامود .....؟؟
عااادي تحصلي كذا طول مانتي ماشيه
حتى بالسوبر ماركت شئ صار طبيعي .....
اذكر انه العامل بسنتر بيونت كان واقف جنب عامود فيه جاكتيات قصيره شغلته الوحيده انه ياخذ الي قاعد يطيح من البنات ويرجعه مكانه
اما في رد تاغ كان تصفيه ... طبعا المناظر كانت اسوا بمراحل ولا عرفت اشتري مزبووط من كمية الفوضى الي كانت بالمحل ....
موضوعي اتمنى منه انه نستفيد هذه السلبيات ونبدأ ننتبه لها
ترا الشئ المقسوم لك رح تاخذيه مالو داعي العجله ولا اسلوب الحق اخذ قبل غيري
لو لك نصيب في هالقطعه بتاخذيها رحتي اول وحده ولا اخر وحده
ثانيا ارحمو العمال من هالفوضى الي نترك بها المحل بعد خروجنا ..... شئ مو طبيعي لما يوقف اكثر ثلاث اربع عمال يجمعوا الملابس المرمايه هنا وهناك ويرجعوها في اماكنها
يعني مارح تخسري شئ لو طاحت قطعه بسببك انك ترجعيها او حتى لو شفتيها بطريقك
هذه الثانيه مارح تعطلك وتكسبي اجر حتى الي يجي بعدك يقدر يشتري ويتفرج
وعربيتك الله يجزاك خير خليها معاك .. ممر ضيق حطيها على جنب مو ف نص الطريق ولا جنب الملابس اضطر ابعدها علشان اشتري ....
واخيرا انتي عارفه مقاسك ولا مقاس اولادك .. ليش تنزلي الرف كلو علشان تشتري قطعه وحده ... حتى لو تبين تتفرجي ... بهدوووء ... شوفي الي تبينه ورجعيه مكانه .. ما عرفتي على الاقل حطيه بطريقه محترمه .... مو ترميه كذاااا ...
اخيرا خذي على قد فلوسك وحاجتك ... واتقي الله في مصروفك الي تصرفيه هالاسواق .... وتذكري قول الله تعالى (ثم لتسئلن يومئذ عن النعيم)
وفقكم الله
ادخل المحل .. واخرج على طول مستحيل مستحيل اتسوق بمحل زي كده لانو لو لقيتي لبس عاجبك ماتدري من فين جاء .. بس تشوفي العلاقه عليها مية بلوزة بأششكال مختلفه !
نحن شعب يحتاج ليتعلم التنظيم والترتيب ,,