حالي تغير،،ماادري وش فيني،،محتاجه دعواتكم ونصائحكم

السلام عليكم اخواتي الغاليات،،
اولا الله يجزاكم خير على تعاونكم ومساعدتكم لبعض من جد شفت فيكم روح الأخوة والايخاء،،
اخواتي انا ابي افضفض لكم شوي عني وعن حياتي وان شاء الله بالاقي فيكم من يمد العون لي بعد الله سبحانه،،
انا صار لي تقريبا سنه وثلاث شهور متزوجه والحمدلله في بداية زواجي كنت مبسوطه ومرتاحه بس مع مرور الايام بدأت المشاكل مع زوجي بس كانت تنتهي بسرعه بعد يوم او يومين وكنت متحمسه للزواج واهتم بزوجي وبنفسي وببيتي وكنت احب بيتي بالرغم انه صغير بالمره ويادوب يكفيني انا وزوجي وكنت راضيه بكل شي وبعدها حملت الحمدلله ورزقني الله بولد الله يعافيه ويمنع عنه اي مكروه،،
ومن بعد ماولدت صارت علي مسئوليات كثيره وولدي كمان تعبان لانه خديج،،ماعاد صار لي اي اهتمام لافي بيتي ولا نفسي ولا زوجي والاهم حتى ديني،،اي نعم اصلي بس احيانا ااخرها واحيانا بدون خشوع وبعدت عن الاذكار والقران والله اني ضايقه بالممررررره من نفسي وبيتي صار مو مرتب وانا جسمي تغير صرت اسمن من الاول وزوجي متضايق من هالشي بس مو بيدي ماعاد فيني اي اراده واحس باكتئاب وعزيمتي محبطه وكرهت البيت باللي فيه وفوق كذا عندي دوام بس اني اخذ اجازات لاني كرهت حتى الدوام،،
والله اني زعلانه من حالي ما ادري وش صار فيني حاسه بضييييقه وتعب ماله حدود،،
بنات تكفون ادعوا لي ان الله يساعدني ويفرج همي وارجع مثل الاول نشيطه ومرتاحه ومهتمه بامور ديني واهلي وبيتي ونفسي،،
ارجوكم خواتي لا تبخلون علي بارائكم وقدموا لي اي نصيحه تساعدني،،