حامل واشخر

كيفكم بنوتات
انا وصلت الى الاسبوع 33 يعني الشهر الثامن
قبل حملي بسنه عملت عملية لحمية في انفي يعني كان غضروف زياده اشوي في انفي مسبب لي احتقان دائم بالانف والحمدلله صرت احسن
بعدها بسبعه او ثمانيه شهور حملت وبذات من دخلت الشهر السادس صرت اشخر بصوت عالي جدا طبعا زوجي الله يعنيه .. وصلت الى مرحله شخير متواصل كل ليله يعني حتى لو اغفي اشوي على الكنبه اشخر وزوجي يقولي كل الا في البيت يسمعك ... رحت اليوم الى استشاري انف وحنجره وشكيت له الحال كشف علي وقال امشي روحي بيتكم انتي سليمه اكثر مني و قال لي طبيعي لأنك حامل وتحتاجي اكسجين دبل عشان الا في بطنك وغير كذا من 80 الى 90 بالمائة من الحوامل يشخروا ويرجعوا طبيعي بعد الولادة .. هل كلامه صحيح والا لا ؟؟ وهل فيه حوامل هنا صادفتهم هذي المشكله وتخلصوا منه بعد الولادة ؟؟

طيب سؤالي في شيء يخفف من شخيري مثل مشروب دافي ؟؟
لا تقولون حطي لك مخده مرتفعه والله ما ابالغ لكم احط لي 3 مخدات واجلس رقبتي منكسره بس مافي نتيجه لدرجة مره جبت خداديات وصفيتهم ونمت جالسه على السرير بس النتيجه زوجي خذا مخدته وطلع نام على الكنب ..

والله مضايقه حيل بنات انصحوني ... بس لا تقولون لي انام بغرفه ثانيه مابغي اترك زوجي لوحده

وتقومون بالسلامه ان شالله بنات