حامل وتركت البيت !

انا يابنات متزوجه من 7 سنوات وكان بينا حب واحترام وتفاهم
وباخر سنتين صار طبعه صعب مرره لانه يبني والحاله الماديه سيئه وكذا وعذرته وساعدته كثيراا معنويا وماديا ونفسيا
انتقلنا للبيت الجديد وكان كانه حلم جميل وفخم وقلت ان الله مع الصابرين
اراد الله وحملت وهو ماكان رافض الحمل ولا يتمناه كان مايفكر فيه عادي يعني
من حملت يابنات وهو متسلط قلل المصروف وصار يضرب عيالي ومايتحمل ازعاجهم انا عندي اثنين ولد وبنت
قلت اكيد ضروف ماليه والتزمات وكذا معليش خليني اتحمل واتجمل
عيالي صرت اهديهم لما يجي ويلقى اكله جاهز مع اني موظفه ارجع اطبخ واسوي فطور رمضان ومعها ابتسامه وعلى قلبي زي العسل
بس حسيت انه في شي شاغله بالجوال ساعات يبتسم للشاشه الجوال واحيانا يعصب ويرميها وانا ياغافلين لكم الله
وهو يزداد تسلط علي وعلى عيالي اي شي نسويه زين ولا شين يعصب ويهاوش ويضرب
هذا كله وانا حامل وانتم ادرى بالحامل وش تعاني
وبالاخير قال اذا سافرت روحي بيت اهلك لا تجلسون بالبيت يابنات بيت امي صغير وعيالي شوي مزعجين ولا ابي اضايق امي ببيتها كبيره وعندها ضغط وصداع وغير كذا اخاف على عيالي من المطبخ والغلايه والزيت
وعيالي كل شوي يدخلون المطبخ ببيت امي اما بيتي المطبخ بعيد شوي وبالدور الثاني واقفله
راحتهم في بيتهم وغير كذا بيت اهلي حمام واحد وكل اللي بالبيت عليه جربت اسكن عندهم برمضان لانه مسافر ولا قدرت اتحمل والله طابور وبنتي جالسه ادربها ع الحمام والحامل تعرفون كل شوي تبي الحمام
انا مقدر اعيب على بيت اهلي واحكي له التفاصيل هذي كلها ف قلت له راحتنا في بيتنا وانت كلها 3 اربع ايام وتجي يابنات انا قلت ولا ماقلت كانه كان ينتظر علي غلطه
جعلكم ماتشوفون رسايل الجوال والتهزيء والهواش ووالتفلت كانه بيضربني وانا الان وصلت السابع واداوم وحالتي ربي اعلم بها
لا تخلين عيالي عند شغاله يقصد فترة الصباح لما اكون بالدوام والله يابنات الشغاله فلبينيه وصغيره ومتعلمه ماشاءالله اقولها اذا قامو درسيهم انجليزي وكلها ساعتين ثلاث وانا راجعه من الدوام




قال لا يابنات بالاخير قال بسفر الشغاله وبسفر السواق وسيارتي اللي تروحين عليها الدوام ابغاها
مايدري وش يسوي مايدري كيف يضيق علي
انا وقتها كنت بالدوام ويوم خلص دوامي رحت بيت اهلي
والعيال كانو معه بالبيت وهو مستمر رسايل وهواش وانا ماارد عليه مخليته ربي حسيبه
ويوم جاء العصر اتصل على اخوي يشتكي هي ماتهمتم ببيتها هي ناطله العيال على الشغاله وتداوم وهي وهي
كلمني اخوي وهو معصب اه يابنات الظلم بعينه حسيت فيه




لا شعوريا قمت ابكي وقلت لاخوي كل شي قال اخوي الشغاله حقتك مرره كويسه ليه تسلط عليها وليه بيسفرها وليه يسوي كل هذا قلت مدري
ويابنات لما جاء المغرب جاء رمى العيال عند بيت اهلي وراح
ويوم جوني العيال ضارب ولدي وبنتي ساكته حزينه تقول وينك ياماما ليه رحتي
اللحين وش اسوي ولا تارك لنا مصروف ريال واحد
وانا الان ببيت امي وكل اغراضي ببيتي وحامل واداوم ويارب الفرج منك وحدك شورو علي تكفون