حامل وينزل مني دم

انا حامل لي 6 اسابيع. امس رحت لموعدي وسويت اشعة تلفزيونية والدكتورة حقت الاشاعة قالت لي كل شي طبيعي وقالت كيس الحمل مكانه والجنين فيه نبض.
رحت للدكتور ويقولي على حسابه هو لحملي المفروض اني اكون اكثر من سته اسابيع. ويقولي انا اعتقد ان الحمل فاسد. كيف فاسد وفيه نبض ابغى افهم.
اليوم الصباح صحيت تنزل مني قطرات دم قلية ورجعت نمت واول ما صحيت الظهر نزلت قطرات وانقطعت , ما ادري هل هذا شي طبيعي .
انا عندي ولدين واجهضت قبل. بس بكل اجهاضاتي تنزل علي مادة سودا ثم بنية ثم دم بعدين يطيح الجنين. اول مره ينزل علي دم على طول. معاي مغص خفيف جدا.
احد صار له نفس الشي وتم حمله. واحد صار له كذا واجهضت. ياليت تفيدوني واللي ماعندها افادة لاتنساني من دعاءها في صلاة الوتر.
دعواتكم لي يالغاليات ربي يفرج همي ويثبت حملي ويرزقني طفل سليم معافى.نفسيتي تحت الصفر ربي يكتب اجري.
لا اله الا انت سبحانك اني كنت من الظالمين.