مشتاقه لكـ @mshtakh_lk_3

عضوة

حبيباتي اخواتي تعااالوا شااركوني فرحتي

بسم الله الرحمن الرحيم
السلام عليكم ورحمه الله وبركاته
حبيباتي لي سنه ونص متزوجه وماحملت وقبلها كنت متزوجه واحد قبل زوجي سنه وماحملت
جاني احباط راجعت المستشفى وبعد التحاليل والاشعه طلع عندي تكيس وقالت لي الدكتوره انو خفيف واعطتني حبوب جلوكفاج ودافستون استمر عليها 3شهور واجيها مراجعه استخدمتها شهر وصارت ظروف وعزاء عندنا توفت اختي وماستمريت عالعلاج الا شهر وكل شهر اقول برجع استخدم العلاج وسبحان اللي يشغلني وينسيني واستخدمت عشبه ومانفع معاي اعطتني حماتي هي تقول حملت عليها ولاكن انا ماحملت عليها وكنت كل شهر تتاخر الدوره اقول يارب يارب احمل ولما تجيني الدوره صح يجيني احباط بس كنت دايم اردد الحمدلله ربي باقي ماكتب
لحد قبل يومين الدوره متاخره اخر مره جاتني برمضان واحس نفسي تعبانه مدري ويش اللي يتعبني بس احس بتعي ونوم مو طبيعي طبعا جربت تحليل الكلوركس واول مره يطلع معاي شكله مختلف وانتوا بكرامه وبرضوا ماحبيت ابني امل وانكسر
وسويته مره ثانيه طلع نفس الشي قمت اشتريت تحليل من الصيدليه وحللت وطلع خطين فرررحت يارب لك الحمد بس برضوا كنت خايفه ابغى احلل دم ووداني زوجي المستشفى وحللت والحمدلله طلع فيه حمل ولحد الان احس صوت الممرضات ماغاب عن بالي يوم يقولون مبروووك ويضحكون احس كان ودي احضن زوجي من الفرحه قدام الناس دعواتكم لي حبايبي ان ربي يتمم حملي ويثبته ويفرحني فيه ويارب يرزق كل محروم ومحرومه..

يلزم عليك تسجيل الدخول أولًا لكتابة تعليق.

تسجيل دخول

وردة_الجوري • 10 سنوات

الف مبروك و*****الله ربي يرزقك بالطفل السليم المعافي من كل شر

بطة 24.. • 10 سنوات

الف الف مبرررروك والله يتمم عليك حملك ويثبته
ادعي لي ربي يرزقني وماتجيني الدورة هذا الشهر ،،،

امـي كل دنيتي • 10 سنوات

الف مبرووك الله يتمم عليك ويفرحك بشوفه طفلك سليم معافى ويقر عينك بصلاحه
عقبالي وعقبال كل من ترغب يارب العالمين

آنسه كرزة • 10 سنوات

ماشاءالله
الله يبارك لك ويتمم لك يارب تسع شهور وييسر لك حملك ويقر عينك يارب
انتبهي لنفسك وارتاحي وروحي مواعيدك في وقتها
الله يفرح قلبك وقلبي وقلوب الجميع بما يسرها

rose2015 • 10 سنوات