حبيباتي انصحوني الله يسعدكم💜

مراحب بنات.
حبيباتي المشرفات لا تنقلون الموضوع
كلنا نعرف التفاعل بالقسم هذا اكثر 💜
المهم بنات عندي ولدين عمرهم سنه
واحد الحمدلله طبيعي والثاني تعبان
مايجلس ياعمري وقته كله بالكرسي
و احياناً انزله ع الارض اسوي له تمارين
عشان بإذن الله يجلس وياحبي.
وتمارين عشان الرخاوه اللي بجسمه ،
بس ولدي الثاني الله يصلحه اتعبني عليه😫
اول مايشوفني حاطته بحضني او اسوي
له تمارين يجي يسحب شعره
او يطق راسه براسه تخيلوا😯
احياناً اتضايق منه واصرخ عليه 😰
هو ياعمري عمره سنه صغير مايعرف شي
بس يشوفني اخذ اخوه اكثر منه
عشانه الحمدلله معتمد ع نفسه
تاركته يلعب وكل شي براحته لو يخرب
بالبيت ماقوله شي
بس اعصابي تتعب اذا طق اخوه او شد شعره
لان ولدي التعبان ارحمه ماحب يسوي فيها
كذا
وهو ياعمري بعد ارحمه اذا صرخت عليه
ينزل عيونه بالارض ومايطالع فيني
بس شويات ويجي يطق راسه براس اخوه😫
والله اليوم الصباح عصبت عليه والحين ندمانه 😭عمري هو الله يصلحه
بنات وش اسوي فيه عشان مايقول لاخوه شي
حابه يتعود عليه بس الله يهديه
حتى لو اروح لمكان ويشوفه لحاله يجي بمشايته ويشد شعره
جنني عليه ، وهذاك خلاص اذا شافه قريب منه يرفع يده بس ياعمري عشان
الرخاوه مايقدر يدافع عن نفس كثير
يدفه بيده وبعده يستسلم
ومره طقه بالجوال مع راسه وربي اني بكيت
هم اول طفلين لي