حبيت .. بس

سلام
انا عضوة قديمه بس سويت الحساب هذا علشان اكتب الموضوع
البعض بيحس الموضوع لعب او حركات مراهقه او حتى من الخيال
فأكتفي بس بالدعاء حتى لو ماتعلقين تحت او بالنصايح اللي تخليني اتخلص من هذا الشي اللي بالنسبه لي صار مستحيل
انا احب عمي
ايه عمي اخو ابوي
عجزت اتخلص من هالمشاعر ما ادري وش صاير لي
فالبدايه انا ماعرف اهل ابوي نهائيا
ما لي احتكاك بأهله ابدا
جت مره من المرات وقال ابوي امشي معاي
وياليتني تراجعت
رحت وشفتهم وتعرفت
اول ماحطيت عيني بعينه شدني بشكل مو طبيعي
حاولت فكرت يمين يسار ماقدرت
رجعنا لمدينتنا
وكلن راح بطريقه لكن عقلي وقلبي عنده
صار يشغل بالي ليل نهار
ما افكر غير فيه اعد الساعات والايام والليالي علشان الاقيه
دورت الف عيب والف قصه عجزت اكرهه
٥ سنين ماقدرت اطلع صورته من راسي
مرات اقول ليتني مارحت وياليت وياليت ..
من جهتي ميته عليه
ومن جهته هو صار يحس او انا يتهيأ لي
احيانا اقول شيطان يحاول يغريني بس انا انغريت وخلاص
بالاجازه هاذي جلست اسبوعين انا وهو بنفس البيت بيت عايله كبير
عقلي مو معي طايرا من الفرحه
استنى اي موقف يجمعني فيه
اتسمع يمكن اسمع لو همسه منه
يجلس قبالي ويسولف معنا واقول بنفسي اخ لو تدري وش انت عندي ووش اعاني
اتأمل ملامحه ما اقدر اقاومه واقوم من المكان اللي هو فيه
اتأمل كل كلمه يقولها
اذا جيت انام سالفه ثانيه
افكر فيه واذا نمت اتحلم فيه
تجاهلت وتناسيت مافي فايده
ابي اي معجزه تخليني افتك
بدعائي صرت ادعي اني انسى عمي !
استغفر علشان ربي يغفر لي حبي له
والله واللي خلقني انه مو بيدي
لو قلبي بيدي ماحبيت شخص سابع المستحيلات نجتمع انا وياه