السلام عليكم ورحمه الله وبركاته
وكل عام وانتم بخير
حسيت نفسي متضايقه قلت افضفض لكم شوي مع اني ماعرف اعبر الي بداخلي بس يمكن ارتاح
في العشر الاواخر من رمضان توفت امي وللحين مو مستوعبه الموضوع انا مؤمنه بقضاء الله وقدره بس غصب عني اقسم بالله اني اكتب الموضوع وانا ابكي
مايمر يوم والي هي علي بالي ماقدرت انسئ كيف انسئ ياناس
كانت كل يوم تدق علي وتسال عني كل يوم تسال عن عيالي وعني
تتصل من دوامها علشان تطمن علينا وتقول وشلونكم وش اخبار عيالك وش سويتي غذئ لزوجك نظفتي بيتك لايجي زوجك وبيتك حايس والبس اذا جاء وتمكيجي وزيني شعرك
لايشوفك وانتي حايسه اه يايمه من يكلمني الحين ومن ينصحني الحين
كل شئ في بيتي كل قطعه اثاث فيه ذوق امي غرفتي وغرفه عيالي
ومجلسي ومدخلي وفرشي كلش انا وامي نختاره لازم تروح معي نختار هذا زين لا هذا احلي من ينصحني الحين من يكلمني الحين من يسال عني الحين اه يايمه ودي اشوفك لو ثواني ثواني بس يايمه ابوس فيها بس رجولك رحتي وخلاتينارحتي وضاقت علينا الدنيا
ماعاد عندنا فرحه البيت بدونك يايمه مايسوي
كان كل يوم اروح بيت اهلي لان بيتهم قريب من بيتي
كل يوم اروح اجلس مع امي واليوم اروح كل ربوع والبيت صاير كئيب كل شئ فيه
خواتي كل وحده في غرفتها والانوار طافيه
وماعاد فيه جمعه مثل اول ولي مريت من عند باب غرفت امي ومسكر بابها اقول لعيالي لاتزعجون امي خلوها نايمه يقول ولدي يمه ماما بيه ماتت يقصد امي يسمونها ماما بيه
اقوله لا ماماتت اهي نايمه بالغرفه تعبانه وماتبي تطلع يقولي لا ماتت الله يرحمها اسكت ودموعي في عيوني اقسم بالله احيانا اقول امي في المستشفي ماماتت الحين بروح نشوفها وقت الزياره
اصبر نفسي بنفسي كنت اقولها يمه انا حامل يوم انها مريضه
اقولها باركيلي يمه كانت تقولي مبروك وتبكي وتقول بس ماراح اشوفه اقولها يمه لاتقولين كذا وتحط راسها علي المخده وتجلس تبكي وتكرر ماراح اشوفه ماراح اشوفه طلعت منها ابكي مابيها تشوفني قالت اختي وش فيك قلت امي تقول ماراح اشوفه واحكيلها السالفه
وتجلس اختي تبكي سبحانه كانها عارفه انها بتمون
رحت الغاليه ياناس راحت في رمضان العشر الاواخر نحمد ربي ونشكره ايام فضيله ولله الحمد عتق من نار
واليوم جاني خبر بوفاة ام زوج اختي كانت غاليه علينا مثل امي كانوا يطلعون مع بعض مثل الاهل واكثرنطلع جمعات مع بعض استراحات الثمامه كل مكان تقريبا مع بعض جمعاتنا كانت حلوه فيهم ايام راحت
سبحان الله امي راحت في العشر الاواخر من رمضان وعيدنا الفطر عزاء وام زوج اختي راحت في العشر الفضيله من ذي الحجه وعيدنا الاضحئ عزاء انا لله وانا لله راجعون الحمدالله علي كل حال الحمدالله يارب الحمدالله علي كل حال الله يرحمهم برحمته
يارب ترحمهم برحمتك وتغفر لهم وتغمد روحهم الجنه يارب تسكنهم فسيح جناتك اللهم اغفر للمؤمنين والمؤمنات والمسلمين والمسلمات الاحياء منهم والاموات
يمكن ماعندي اسلوب في الكلام بس حبيت اريح عن نفسي حبيت اطلع الي بداخلي مانبي منكم غير الدعاء لهم
الله يرحمهم برحمته
استودعكم الله
يلزم عليك تسجيل الدخول أولًا لكتابة تعليق.
امل دنياه
•
الله يرحمها ويغفر لها ويتغمد روحها الجنه
الله يرحم امك وصديقتها ووالداي بارحمته الواسعه ويجعل مثواهم الجنه ذكرتيني بأمي لمه اتوفت:icon33: وهيابالمستشفى وحنا حواليها وابوي توفى :icon33:عقبها باربع سنوات كان في المستشفى وكنا يوميا نزوره وحالته في تحسن ويوم لبسنا وخارجين للزياره الا واخوي يقول مافي زياره استغربنا قلنالو ليش وبعد الحاح قال ابوي مـــــــــــــــــــات فجاتنا حالت انهيار بس بصراحه بعد وفاتهم تغير الحال ماعاد الاخوان يسأله عنا اما التجمعات فسارت شبه معدومه لكن انا وخواتي متواصلين اما الاخوان فأسأل الله لهم الهدايه وان يكون انشغالهم في طاعته
اختي فجر اسأل الله العظيم ان يربط على قلبك وان يسكنهم فسيح جناته ولايبون منك غير الدعاء واحنا كلنا مصيرنا نفس مصيرهم وهذا امتحان وابتلاء من الله
حبيبتي الله يرحم امك ويغفر لها ويرحمها والله حاسه فيك ياقلبي بس هذا حال الدنيا وكلنا نفس المصير الله يتقبلها ويوسع مدخلها ويجعل مثواها الجنه ويرحم جدتي الغاليه ويغفر لها وان يجزيهم بالحسناتي احسانا وبالسيئاتي عفون وغفرانا يارب العالمين
الصفحة الأخيرة