حبيت انقل لكم تجربتي مع ابني وكيف حببته بالقراءه من وهو صغير
ابني الان عمره 4 سنوات وماشاء الله بيعرف كل الاحرف الانجليزيه وتقريبا بعض العربيه
ورح يروح على الروضه شهر 9 القادم وهو بيعرف يعد الارقام باللغتيين وبيعرف الكثير من المفردات الانجليزيه:icon28:
يمكن اغلبكم لحد هون يقول هذا شي عادي وخصوصا انو يتعلم بالعربي لانو شي بديهي
بس حبيت اقلكم انو احنا بالاصل ما بنحكي في البيت عربي ولا حتى انجليزي
لغتنا لغه تانيه ما الها اي صله لا بعربي ولا انجليزي ( لا تخافو انا مو من المريخ) خخخخخ:17:
فبالنسبه الي هذا يعتبر انجاز انو ابني يحكي 3 لغات
قصتي معاه بتبدأ من لما كان في بطني
اشتريت له كتب كتير وكنت اقرأله وهو لسا صغير يا دوب كم شهر
كنت بخجل من حالي لانو حاسه انو مو فاهم
بس كل الدراسات بتأكد انو القراءه مهمه جدا للطفل حتى لو ما فهم فهي بتخلي ذكي جدا وبيتعرف على شكل الكتاب وبيتعود عليه
كلما كبر كنت اشتريله كتاب لعمرو
اشي بيعلم العد واشي عليه حيوانات
وطبعا غير الالعاب التركيبيه
او البزل
وفي كتب من قماش حتى ما يعضها ويخربها ( بس هدول شلتهم من زمان)
وطبعا في العاب بتطلع اصوات واحرف (بس بصراحه مزعجيين جدا.....فشلتهم زمان)
النتيجه انو ابني الحمدلله طلع بحب القراءه والكتب ونادر ما يخرب قصه وهو صغير وهلأ مستحيل لانو بيعرف انو ممنوع تخريب الكتب( بس بصراحه اتغلبت مع عادتو بالعض. كان كتيير يعض الكتب وهو بيطلع اسنان)
وهدول همه كتب سلطان للي بتحب تستفيد من تجربتي
هدول مجموعة puzzle
هدول كروت رائعه جدا عليها حيوانات( مؤلفه من اكثر من 20 كرت وابني على عمر سنتين كان حافظهم كلهم)
هدول الكتب فيهم حاصية عدم البلل <_____يسعدلي اللغه العربيه الفصحى
يعني بيستعملهم بالبانيو وهو بيتحمم ( اظن لاحظتو علامات اسنانه على الكتب):22:
وهدول كمان
هدول الكتب بيعلمو الطفل الالوان والاشكال والتضاد( يعني فوق تحت, كبير صغير)
لحظه وبكمل.....