حركاتها ماعاد اقدر اتحملها وش الحل معاها/ قديم

بنات ببدى فالموضوع ع طول لاني واصله حدي وسامحوني اذا فيه اخطاء انا عندي قريبه لي مره جننتني بحركاتها للعلم انا انسانه هاديه ومسالمه وحالي فحال نفسي هي تعتبر من صديقاتي وامها تصير خالتي وهي بنفس عمري بس يابنات حركاتها مستفزه يعني مثلا ماتجلس الا انها تعطيني ظهرها في اي مكان حتى لو جنبي تعطيني ظهرها كلامها معي كنك انتي ماتعرفين شي ولا تعرفين بالماركات وكل ماتشوف معي عطر ولا كحل تقول هذا ماركه ولا التقليد شكله صح! !! يعني شي يقهر انا والله ماشتري الا الماركات بس كذا معنى كلامها انتقااص بحقي اذا قلت شي وماعجبها حتى لو شي عادي تقول حمدلله والشكر بنرفزه لو بسولف معاها ولا اسالها عن شي عرد بدون نفس تحسسني مالي قيمه انا يابنات شخصيتي مافيها شي بالعكس الكل يحترمني ويعنلي حساب الا ذي الانسانه مدري وش السبب صارت بيني وبينها مشكله قبل اربع سنةات وهي الغلطانه فيها ومن بعدها حقدت علي زياده والله نسيتها من ايامها انا ولدي توه مشى من اسبوعين تقريبا وقابلتها اول مامشى وقالت ماشاء الله صار يمشي واليوم قابلتها قالت الله متى مشى من زمان ماشفته ماتبغى تبين لبنات جماعتنا انها تكلمني او تشوفني وتسولف معي
وش الحل معاها تعبت مره واحنا يالبنات نجلس جلسة وحده يعني ماقدر ماجلس معاها
صرت ادعي عليها يابنات فكل وقت ادعي واتحسب مرضت مرض شديد وتعبت نفسيا توقعتها تتغير بعد ماتشفى بس ﻷاسف نفس وضعها