حركات الشباب ايام المذاكرة

بسم الله الرحمن الرحيم
السلام عليكم ورحمة الله وبركاتة
اولا انا عضو جديد وهاذي اول مشاركه لي ورحبوا فيني

اليوم جبت لكم موضوع رووووووووووووووعه ومضحك بعض الشىء......:hahaha:

حركات الشباب أيام المذاكرة... :3_3_103:


السلام عليكم ورحمة الله وبركاته


الله يخليكم بس اتخييلوووواا

حركات الشباب ايام المذاكره .... حلييييييييييلهم يغمضووووون ..

ياعيني على الشطاااااااار

1- الثلاث وجبات الرئيسيه :f226:لابد منها ويقعد عليها قعده (يوعان المسكين ما ينلام) واحيانا يزيد وجبات اضافيه اذا كانت الماده دسمه.


2- يقعد يسوي عمره ملان وتعبان ويسير عند امه ويقولها ياربييييي مب قادر اذاكر مدري شو فيني حاس بكتمه .. الظاهر حد صاكني بعين .. تقعد امه المسكينه تقرا عليه وترشه من ماي زمزم ..
كل ها عشان اذا رسب يقولون ضاربينه بعين (انا ما اقولكم انه كل الي يسوون كذا يجذبون لان العين حق بس الغالبيه يمصخونها زياده عن اللزوم ..)


3- بعضهم ينزل عليهم وسواس نظافه ايام الامتحانات يتسبح الصبح والليل وقبل كل صلاه وكل ما قالت له امه باجر امتحانك ذاكر خلاص تقشر يلدك من السبووح .. قالها امي ان الله جميل يحب الجمال (وطبعا هالمثل ما ايي على باله الا وقت الامتحانات) ولا يطيح تلميع وتغسيل بالسياره وطبعا هذي من واجباته اليوميه


4- وبعضهم تنزل عليه صلة الرحم فجأه يقوم يكلم واحد من ربعه اليدام الي من زمان ما كلمه .. يبي يشوف اذا ما عنده شي .. يمره بعد العصر يسلم عليه ويشوف شو صار عليه ويشغله عن المذاكره .. ويمر على جدته وجده وكل اهله يبداهم زياره من اول يوم لاخر يوم من الامتحانات وبعد الامتحانات (مسااااااااااااااافر في زمن النسيان)


5- وهذا المسكين اللي من قل الحيله الي يعور القلب لاقفلت معاه ... مسك المخده ونام لين ما تنششه امه الصبح ويقول يووووووه راحت عليه نومه


6- الي يأنبه ضميره ولازم يدخل المنتدى يشوف من رد على مواضيعه ومنو نزل موضوع جديد وما يودر موضوع إلا ويرد عليه ولا ويطيح رسايل خاصه لكل الاعضاء الي فاقدنهم طبعا هم لهم شهور ما دخلو بس توه يحس انه افتقدهم


7- وشي نوع الي ما يصلووون و يقيمون صلاتهم في البيت... عاد ايام الامتحانات .. تقول الله هداهم والخمس صلوات كلها في المسجد .. وبعد الامتحانات يرد شرات قبل وألعن


خخخخخخخخخخخخخخخ طبعا كل هاااا عشان يشغل عمره عن المذاكره ... اطلعو على حقييقتكم




عيب عليكم هالحركاااات ؟؟؟ حطينا عليكم خط خخخخخخخخخخخ


والله الله بالردود

اختكم في الله /ضياء الشرق