حركات بنت خال زوجي ، مع زوجي!!!

السلام عليكم ورحمة الله وبركاته ..
"
بحكيلكم موقف مع بنت خال زوجي ، إنا متزوجه من برا العايله ولي فتره الحمدلله ، ام زوجي كل سنه بعيد الاضحى تسافر لاخوها بالديره تعيد هناك هي وعيالها، اول سنه مارحت معها ثاني سنه اصرت الا نروح معها وبحجة انو بنات اخوها يبون يتعرفون علي ويشوفوني ، انا تحمست وخذيت افضل الملابس عندي وذهبي وسافرنا بس انا وزوجي استاجرنا شقه حولهم وعمتي ام زوجي راحت لهم ع طول ، المهم رحت لهم وماشاء الله استقبلوني احلا استقبال هم ٨ بنات ماشاء الله ف بعضهم متزوجين، القصه تجي هنا ... اخر بنت من بناتهم اخر العنقود تقريبا عمرها ١٧ او اقل ، لاحظت عليها حركات وكل متزوجه بتلاحظ .. المهم جانا مطر والرجال كانو بالحوش بالمجلس برا وهي طلعت بالبجامه بحجة انو تبي تنظف الحوش وهو مطر وقعدت تنظفه اشوي الا دخلو عليها ابوها وعمي ومنهم زوجي ، دخلت وهي تقول يوه الرجال شافوني بالبجامه ، ( طب ليه رحتي لحوش الرجال اصلاً وانتي تدرين ان الرجال بالمجلس وخواتها كانو يقولون لها نظفي بعد المطر احسن ) المهم الموقف الثاني ....طلعنا كلنا طلعه للبر حريم ورجال تجهزنا وطلعنا الرجال حطونا بعيد وراحو يتمشون بسيارتهم ، المهم جاء وقت الرجعه والرجال جو بسيارتهم واحنا شلنا الاغراض وكنا نمشي رايحين لهم شوي هي كانت جنبي واسرعت بخطواتها وراحت لسيارة زوجي وفتحت الباب وحطت الاغراض وقفلت وشفت زوجي يوم فتحت الباب التفت يحسبها انا وانا بعيده جات براسي الف استفهام ⁉️ وش ذي الحركه تسبقني لسياره ، الموقف الثالث .. بعد رجعتنا بفتره جات وحده تشبه بنت خاله ف التلفزيون كنها هي .. زوجي قال يوه دي تشبه بنات خالي ووحده منهم ، قلت كيف عرفت قال مسكينه دخلت علي بالغلط قبل مانمشي كانت تبي تشيل الفرش قلت اهاا ... طبعاً يمكن يحون بنات يقولون ليه ماتزوج من بنات خاله لانو ماعندهم هويه يعني لسى يطالبون بها لانو ابوهم ماسجلهم من اول ،... بعدها انا اتخذت قرار ماعاد اسافر ديرتهم ابد وحطيت الف عذر وكل ماقالت لي ام زوجي يلا تروحين معي اقول لها ان شاء الله واذا رجعت اقول لزوجي ان ماودي اروح ومارتحت هناك .. وكل فتره تقول لزوجي نروح انا وانت اذا هي ماتبي وانا اللي رادته .. كيف اسوي ووش اسوي عشان مايروح لوحده
.
ابي كيدكممممم ي بنات 🥵