حركة ما جازت لي

بسم الله الرحمن الرحيم وبه نستعين

بدت السالفه يوم أخوي قلب روسنا أنا و خواتي يبغانا نروح زواج صديقه

كنا متخوفين لأنهم قبايل و حنا لا خفنا يجينا أسأله عن الأصل أو نظرات استحقار الخ

مع إنا ولله الحمد عائلة معروفة مو صغيرة بس المجتمع له أحكامه

المهم قال صديقي مصر انكم تجون وحجز لكم طاوله روحوا لا تفشلوني معه ..

مرضت أمي و خواتي الصغار عيوا يروحون و صفينا أنا و أختي المتزوجة

رحنا و قال أخوي لازم تعلمونهم من أنتم عشان يعرفون أنكم جايين و يودونكم طاولتكم

دخلنا و سألنا عن أم المعرس ودونا لها وقالوا إنهم من طرف ولدك سلمنا عليها و استقبلونا

خواته أحسن استقبال :luvkiss: رغم إن هذي أول مرة نشوفهم جلسنا عالطاوله

و بدوا يطقون أشواط ... يا عيشتن قشرا مع ذا الأشواط :hahaha: .. قعدنا أنا و أختي نصفق و نشجع

و إذا فجاة الطقاقة قالت يلا يا فلان الفلاني :ohmy: اللي هو إسم أخوي :arb: إنفجعنا و تسمرنا

عالكراسي التفتت إخته علينا و قالت تعالوا طلعنا عالمنصة و طاقتنا أم الركب من الحيا :pinklove:

قالت إختي لأخته ما نعرف نرقص على شوط قالت خلاص بنطلب لكم أغنيه عاديه تخيلوا قالت

قدام العروس هذا طلب فلان (اللي هو صديق أخوي ) ومصر على انكم ترقصون :ohmy: وكملتها

الطقاقة و اختارت لنا أغنيه فيها حب وما حب تقول اختي و حنا نرقص العروس تقزنا قز مو طبيعي

ولما خلصنا رقص سلمنا عليه أحسها ردت من غير نفس ...

بصراحة ما ألومها تخيلوا يقولون خوات زوجك إن زوجك دافع لأغنيه لبنات انتي ما تعرفينهم

أحسها مشكوك فيها حبتين واللي أعرفه عن زوجته إنها غيورة جدا المفروض خواته ما يقولون كذا

قدامها أمي تقول يمكن إنهم يكايدونها قلت كيفهم يكايدونها بس مو على حسابنا :06:

والله إن صديق أخوي هذا ما نعرفه إلا باسم وشفنا صورته مرة حتى ما نعرفه وهو صغير

عشان أقول بينا علاقه وميانه ...

رايكم يا حبايبي