حركه حلوه لحل مشاكلي انا وزوجي بدون صراخ

السلام عليكم
حبيت اقولكم طريقتي انا و:arb: اذا صرنا متزاعلين طبعآ اول شي ابوز واسكت مااكلمه طول اليوم واذا راح نام عاد اروح اجيب دفتر مشاكلي واكتب كل شي في قلبي والاشياء اللي ضايقتني منه واحطله الورقه عند راسه عشان اذا قام يشوفها اصلا هو تبرمج اذا صرنا متزاعلين يصحى على ورقه من اوراقي عاد انا اسوي نفسي نايمه واجلس اراقبه بنص عين واشوفه يرد علي واذا سمعته سكر باب الشقه راح العمل انقز واشوف وش كاتب احيانآ تنحل المشكله من اول ورقه واحيانآ تحتاج مجلدات عاد على حسب الزعل:mad: بعدين اذا جاء يراضيني نناقش المشكله بهدوء بتكون اعصابك هديت مو زي اول الزعل الشي الثاني بتكوني طلعتي كل اللي في خاطرك في الورقه وهذي الطريقه معتمده عندي من تسع سنوات والحمدالله مرتاحه انا وزوجي عليها حتى هو صار اذا غلطت عليه اصحى الاقيه كاتب لي الشي اللي ضايقه مني نيست اقولكم اذا تزاعلنا عند اهله يكون تعاملنا برسايل الجوال الان الورق اخاف يطيح في يدين احد اتمنى مايكون الموضوع مكرر
جربوها صدقوني ماراح تندموا عليها اللي تجربها تدعي الله انه يرحم امي ويغفرلها ويسخرلي زوجي ويحفظ عيالي