حركه غريبه وجديده للعزايم..

عندي فكره في تقديم القهوه انك تحطين سله اي نوع تكون بدون يد وبعدين تملينها بجميع انواع المعمولات او اللأشياء الي توكل مع القهوه وتكون وحده متخصصه طبعا من اخواتك الصغار تدور بيها على المعازيم وهم يتقهوووون تراها اريح من الحلى وصحونه وملاعقه وتصلح للرجال بعد انا مجربتها

نسيت بعد اذا المعازيم تعشووو وراحو للمغاسل يغسلوون تكون وحده منكم واقفه ومعها عطر عوود اواي نوع وإذا خلصت الوحده من الغسيل تحطين على إيدها شوي منه تراها حركه حلوووه

طيب تعرفين المكسرات اللي تجي وكانها عليها سكر محروق وتكون اشكال منها اظن تلاقيها عند النقلي او الرفاعي حطيها في سله ودوري فيها بعد القهوة مره كشخه ولا تخليها بس كل واحده تاخذ قطعه مره حلوه الطريقه ذي وانا احب المكسرات ويجي منها كاجو او لوز او فستق مدري عرفتيها او لا :42:
واذا جاني فكره ثانيه راح ارجع بس طمنينا عليك بعد العشا وش صار معاك ياعسل :)
باي

اولا ودي انك كتبتى افكارك الى سويتيها علشان نستفيد ومانكرر فكرة انتى مسويتها

انا فكرتي مدري قديمه او جديده المهم ماطنشتك

مالك بالطويله

ممكن تقدمين:
1- ايسكريم بعد العشاء وتكونين حاطه اكثر من لون فى كاسات شفافه وتزينينها بفراوله

2- ممكن سلطة فواكه توزعينها اذا رجعو للمجلس يعني ماتحطينها مع الحلى

3- او تجبين جح اوحب حب او بطيخ اتوقع عرفتيه المهم تجبين الحفاره المدوره الصغيره وتكورينها على شكل دوائر تحطينيها في كاس شفاف وممكن تضيفين بعد معها شمام او خربز يعني يصير طبقتين لون اصفر واحمر

هذا الي عندي اتمنى اني افدتك ولا تنسينا من دعواتك

ماشاءالله افكار حلوة