حرمه جايه من غزه اهل فلسطين ......

السلام عليكم ورحمة الله وبركاته .........
كل عام وانتم بالف خير اعاده الله علينا وعليكم :26:

بنات انا كنت بزياره لاهلي بالبحرين طبعا حبيت اعيد عند اهلي والحمدلله انبسطنا كثير وتعايدنا على بعض والجمعه الحلوه اللي مافي احلى منها والعصر كلن راح في حال سبيله المهم اول يوم العيد جات حرمه وانا كنت الوحيده موجوده بالبيت وفتحت لها الباب ودخلتها والحرمه تهلل وترحب وانتو يا اهل البحرين اهل الطيبه والمساعده وكلكم اهل وجيران وحبايب ومن هل الكلام (((واحنا بالبحرين من كثر ما نعرف بعض بالفريج كلن بابه مفتوح الكل يدخل على بعض من كثر ما احنا متقاربين )))وانا طبعا صرت جذي:humm: مو عارفه بعد هالمقدمات وتقول انها من نفس فريجنا وانا اول مره اشوفها بصراحه وبعدها قلت لها امري خير ان شالله قالت لي انها من غزه وجايه عن طريق اخوها اللي ساكن بالبحرين وان عندها تصريح خروج من غزه وفاتحين لهم طريق للخروج ومدته اسبوعين وان زوجها طاح عليه صاروخ ومن هالكلام وانه بالمستشفى ولازم علاج وطالبه مساعده وانها راحت للجمعيات الخيريه وساعدوها بالقليل وطالبه من اهل الفريج مساعده :confused- انا قلت لاختي قالت هذي نصابه وانا عورني قلبي اخليها تطلع بدون ما اقدم لها شي وابوي جاي من شغله وقلت له عن هالحرمه وقعد معاها وسمعها وطلع مبلغ وعطاها وانا زدت عليه باللي اقدر عليه وفرحت مسكينه بس اختي شككتني قالت هذولي نصابين ولا تثقين وخروجهم مو بهالسهوله انتو شنو رايكم في اللي حصل عندي حق اني ساعدتها او لا او ان انقص علي وطلعت ساذجه وغبيه بس من كلام الحرمه وشكلها انها صاجه بس انا قلت اني هالشي على النيه انا من حسن نيتي ساعدتها واذا كانت نصابه فالله فوقها يحاسبها انتو شنو رايكم باللي حصل واتمنى لو بنات بالبحرين صادهم هالوقف يشاركوني ................