:::حريمات اقلطوا هنا قبل لاتجيبون العيد:::<<اسعاف بالداخل

يالله يا حصيص وجهي الكاميرا علي خليني ابدى اخرط واخربط <<يارب محد يشفر القناه :icon20:




مراااااااااااحب تنطح مرااااحب تنطح مرااااحب



اخباركم يا اكوس بنات


لبا انتم بس

اليوم بجيبلكم موضوع مهم في حياتنا العلميه والعمليه <على شحم بس:icon20:


الموضوع هذا دايم يتكرر ونقراه ونشوفه بس مانفطن باهميته الا اذا طحنا بورطه

حبيت انزله باسلوب اكوس اسلوبي الخاص يارب تتقبلونه

يقولكم


كانت ام سويد قاعده مع جاراتها ام صنهات وام صويلح وباقي الشله وداقينها حنك وسوالف وحش وقص بخلق الله

ويفصفصون ومتحمسين والوحده من كثر الحماس نص قشر الفصفص متعلق على خشتها
:icon20:


شوي الا جى صويلح شايلن سويد مدري وش بلاه مغما عليه

ويقط الورع بحظن امه ويحط رجله من الخوف

وامه من الخرعه تروعت و حذفته <<امحق اسعاف خخخخ


2

ام سلوم قاعده تكلم صحيبتها ام مدري شسمه


وورعها عمره سنه قاعد يحوس حولها ويحوس


ومدري شبلع وغص وزرق الورع

<<خبركم الورع بهالسن يصير مكنسه


وتشله امه وتصايح وتنفضه وتنفضه <<وتقعد تصارخ جعل ابوك بالنار جعل ابوك بالنار <<جعلني ماصير رجال لتس :icon20:

ومسكينه ماتدري وش السواه


وانصرع الورع بيدها <<الله يرحمه كان اكوس واحد



3


يا ام الدحمي


يا ام الدحمي


<<لبيه يا ابو الدحمي


تعالي يابعدي <<فيها مصلحه


اليوم بيجون ربعي بيتعشون عندي الله الله بالعشى السنع


<<من عيوني يا ابو الدحمي على راسي انت ووربعك ياجعلني قبلكم <<بداخلها يامال المر اللي حوس كبودكم انت وياهم جعلكم تزوعونه :icon20:


راحت ام الدحمي مدهره بالمطبخ الا تحترق دياتها وتقعد تزاعق وفضحت رجلها عن ربعه
الحقوووووووني ياطر جيبي خخخ

ماتدري شتسوي





كل هذي المواقف يمكن تمرعلينا ونتوهق و مانعرف نتصرف


فاليوم راح اعلمكم الاسعافات الاوليه من الالف للياء







اول شي:


ضروري يكون عندك بالبيت شنطة اسعافات اوليه :<<ياني كنت احوس مريرها ايام المدرسه




يكون فيها :


1-المطهرات مثل:ميكروكروم ,صبغة يود,كحول ابيض,ديتول,
مرهم للحروق والكدمات,فازلين طبي,
قطرة مطهرة للعين وللاذن والانف.

2_المنبهات مثل:نقط نوشادر

3-اربطة باحجام مختلفة,قطن طبي,شاش,علاقات.رباط ضاغط,مشمع لاصق,مقص صغير,ترمومتر طبي. مسحه الطبيه

4-المسكنات:لاعراض الالم والصداع ونزلات البرد والحرارة المرتفعة والاسهال والامساك والمغص وفوار للانتفاخ والحموضة........(انواع للبالغين واخري للاطفال ان لزم الامر )




تيب بعدين اممممممممم


الاشياء الاساسيه اللي لازم تعرفينها اللي هو التنفس الصناعي وانعاش القلب

التنفس الصناعي..


من الاشياء اللي تسبب توقف التنفس

الغرق - الاختناق - الصدمة الكهربائية - الإفراط في تناول بعض الأدوية وخصوصا المهدئات والمخدرات .. النوبة القلبية .. إصابة الرأس والصدر


يمكن بيوم من الايام تظطرين تساعدين شخص قدامك متوقف التنفس عنده

مثلا غرقان فلازم تكون عندك فكره عن التنفس الصناعي


اول شي لازم تتأكدين ان مافيه شي يسد مجرى الهوى

اذا تأكدتي ان مافيه شي خذي يدك وسدي خشم المصاب اللي قدامك وحطي فمك على فمه باحكام وانفخي







اذا ماشفتي فيه علو بصدر المصاب معناته في شي ساد مجرى الهواء دخلي يدك وطلعيه

بعدين كملي لين مايرجع التنفس






انعاش القلب



هذي من الاشياء الضروريه مره تعرفينها


مره كان ابوي بالمستشفى كان واحد جنبه ساجد وماقام يوم حركه الا ويطيح الرجال ومافيه نبض

سواله ابوي انعاش بالقلب <<عنده خبره والحمدالله رجع نبضه مسكين جته نوبه قلبيه


كيف تسوين انعاش بالقلب

اذا كان المصاب اللي قدامك مافيه نبض تاكدي بلمس رقبته على طول سوي انعاش قلب بضربه بنص صدره في الدقيقه الاولى اذا ماكفت ورجعله النبض

ااذا مانفع ومارجعله النبض

اتبعي اللي بكتبه الحين

1—حطيه على سطح مستوي

2-حددي موقع مؤخرة القص (طرف العظم الصدري) وخذي منه عرض اصبعين بعدين اظغطي بعقب يدك بحيث يدخل الصدر من 3-5 سم

3 وانت تسوين الانعاش سوي معه تنفس صناعي تقريبا 15 نفخه

4 – خليك مستمره لين يرجعله النبض او تجي الاسعاف

تيب


الحين راح ناخذه موقف ام سلوووم

اذا غص طفلك بشي


كيف تتصرفين ..



اول شي كيف تعرفين انه اختنق

1- يصعب تنفسه ويشهق

2- اذا شفتي وجهه واطرافه لونها ازرق مايقدر يصارخ او يبكي

2- احيانا اذا تاخرتي باسعافه يغمى عليه



طريقة اسعافه

1



أ- حطي البيبي على بطنه فوق يدك كامله بحيث يكون كفك على صدره وفكه اللسفلي باصابعك وخلي راسه يتجه لتحت يعني ادنى من جسمه




ب-ادفعي ظهره من بين كتوفه بخمس ظربات ورى بعض بكعب كفك الثانيه

زي اللي بالصوره



اذا ماطلع شي اللي غاص فيه :



1-وقفي البيبي على يدك كامله وخلي كفك على ظهره بحيث يكون راسه عالي

2 حطي 2 من اصابعك بوسط صدره فوق عضمة القفص يعني تحت الحلمتين تقريبا واظغطي 5 ضغطات تدفع الصدر لداخل حوالي 2 -3 سم

خليك بالتناوب بين 5 مرات على ظهره وخمس مرات على على صدره لين مايطلع اللي ساده مجرى التنفس عنده


اذا حصل واغمى عليه اطلبي المساعده او دخلي اصابعك في فمه وحاولي تطلعين الشي اللي فيه




ملاحظات :

((اذا كان يصارخ خليه احسن له لان الصراخ يساعده انه يطلع اللي غاص فيه ))

((اذا كان واعي لاتدخلين اصابعك بفمه ابد))


وبس الله لايعوق وراعنا بشر


يتبع..