الصندوق الابيض @alsndok_alabyd_1

عضوة جديدة

حسبنا الله ونعم الوكيل .. شاركوني همي ,,,

بسم الله الرحمن الرحيم ..

وش لونكم عساكم بخير ..

انا بقول لكم قصتي الحين لاني بهالحظه احس بياس وحزن ...

انا سلمكم الله اعاني من شخص بحياتي الي هو ( زوج امي ) ..

هذااا الشخص احسه دمر لناا حياتنا بكل معنى الكلمه من بعد ما تزوج امي

انا وحده عشت طفوله مافيه اروع منها عشت تحت ظل ابوي وامي ومع خواتي احلى عيشه

ابوي الله يرحمه ويسكنه فسيح جناته ماكان مقصر علينا باي شي لا انا ولا خواتي ولا امي

يوم صرت بصف رابع ابتدائي ابوي مرض وكان مرضه الم في الرجول بس مادري وشو بالضبط

بس حتى بفترة مرضه ماكنت اعاني من هالشي لانه كان انسان مكابر ولا يشتكي لاحد

ولا قد شفته حزين وكل ما اكبر سنه ابوي تزداد حالته للاسوء الين ماصرت بصف اولى متوسط

وهي مرحله من اصعب المراحل علي بحياتي لان ابوي وقتها كان باشد واصعب اوقات مرضه

وكانت المشكله الوحيده بحياتي هي مرض ابوي الله يرحمه ..

في اولى متوسط وعلى نهاية الترم الاول ابوي قرر يسافر لباكستان عشان يزرع كلى

وراح ابوي وهي الروحه معاد رجع الله يرحمه ..

طبعا بعد وفاة ابوي الي يومكم وانا احس اني فاقدته بشكل محد يتوقعه

وقسم بالله اني احس اكبر خساره لي فحياتي هي وفاة ابوي وما اتوقع فيه خساره اكبر منها

بتصير لي ابد لان لو ابوي موجود بحياتنا الحين كان مارح نكون بهالوضع الي احنا عايشين فيه

وانا راضيه الحمد الله بالقضاء والقدر الله يرحمه ويجمعني فيه بجنات النعيم ..

الشي الي زادني الم هو زواج امي :44:

طبعا اهل ابوي بعد وفاة ابوي مافيه احسن من معاملتهم لنا يعاملونا بكل طيب واحترام

وكانت رغبتهم ان امي ماتتزوج عشانهم خايفين علي انا وخواتي ..

امي قعدت ثلاث سنوات بعدين قررت تتزوج وتزوجت بس بدون علم اهل ابوي

لانها خايفه من الي بيصير لو درو بعد فتره درو وصار مشاكل لها اول مالها اخر

سبب حزني هو زوج امي اكرهه بكل معنى الكلمه ..

اكرهه لانه بكل بساطه مايخاف الله ..

اول ماتزوج امي كان يسوي لنا حركات انا وخواتي يدخل علينا واحنا نايمين

يقولنا كلام ماله داعي ابدااااا

واحنا ساكتين ومانسوي اي شي وامي كانت تدري بس تصبرنا تقول انا حبيته

واحنا ماكنا نسوي مشاكل ونتهاوش معه ولا كنا نعلم احد

وهو استمر على حركاته لان مافيه شي يرده وانا ببداية الامر كنت احسبه شي عادي

لاني كل مااقول لامي تقول عادي لاتصيرين حساسه لاتكبرين الامور

وانا اسكت اقول يمكن مع الايام خلاص معاد يسوي هالحركات البايخه

وبعدين صرنا نكرهه انا وخواتي واذا جا مانحب نشوف وجهه

وهو مجرد مايشوفنا على طول يتكلم معانا كلام زي وجهه

يعني يقول لي ليه لابسه كذا ليه ماتتروشين وتتكشخين

ليه ماتتكحلين ليه ماتستخدمين الكريم الفلاني

يعني ببساطه كل شي كان يتدخل فيه حتى لون ملابسنا اذا ماعجبه يقول

ليه تلبسين هاللون اللون هذاا مايليق عليك ليه ماتسوين تسريحتك زي هالممثله

يعني انا قاعده ببيتي اكشخ لييييييييييييه ؟ ؟ ؟

تحملناه وتحملنا حركاته وسكتنا وكنا نمشيله طبعاا هو شاف محد يقوله شي

وكل ماله يتمادى واحنا ساكتين قعدنا اربع سنوات على هالحاله

وكانت اسوا سنوات عمري ..

طبعا احنا بزواج امي انحرمنا من اشياء كثيرهـ كانت حلوه بحياتنا بعد وفاة ابوي

كانو عماني يدخلون بيتنا

كان واحد من عماني متزوج وساكن قريب من بيتنا كان يجي كل فتره هو وزوجته وعياله

يتغدون عندنا ولا يتعشون ويزورونا حريم عماني ببيتنا

لكن بعد زواج امي مافيه احد طب بيتنا منهم

انحرمنا من شوفتهم ببيتنا بسبب زوج امي حسبي الله عليه

وياليته رجال محترم وكفوو كان سكتنا ولا قلنا شي

طبعا احنا نروح لبيت عماني كل اسبوع مره او مرتين يعني نزورهم وعلاقتنا فيهم زينه

بس طبعا بدون امي ..

والحين هي السنه الخامسه من وجود زوج امي بحياتنا

وانا من كثر كرهي له صرت ادعي عليه قايمه قاعده

صرت اذا شفته احس ودي اذبحه بيدي

انا بعمري ماكرهت احد والله حتى هو قبل كنت ما اكرهه صح ماكنت احبه

بس ما اكرهه لهالدرجه الي صرت فيها الحين يعني عديناله اغلاط كثيييييييرهـ

وماحقدت عليه بالعكس اقول خلاص يمكن معاد يعيدها واقول لنفسي ليه

ما اتقرب منه يمكن يعوضني شوي من حنان الابوه بس اكتشفت انه حقير بمعنى الكلمه

ومافيه امل يرضى قلبي عنه لو مهما صار والحين انا ادعي عليه من جواا قلبي ومارح اسامحه لادنيا ولا اخره

لاني شفت منه الي ماينشاف انواع الاهانات حتى امي يقول لها كلام

زي وجهه يهينها وهي تحبه يهاوشها ويستحقرها احيانا وهي ماتقول شي

وانا انقهر يعني دخلناه بيتنا وياكل ويشرب من خيرنا ولا يصرف شي ابد

الا ناادر يجيب مقاظي

وحتى امي مايصرف عليها وفوق هذا كله مااحرى بعينه ولا شي من هالتنازلات

الحين كل مايجي عندنا نفسيتي تدمر لاني اذا شفته ياكل اموت قهر

واذا شفته قاعد بغرفة ابوي الي من سكنا بيتنا مانام فيها ولا ليله امووت قهر

يعني يجي عندنا ياكل من خيرنا وينمتع ببيت ابوي وهو واللللللللللله وربي مايستاهل

والله اني تعبت نفسيتي من كثر ما انا افكر متى بنتخلص منه

ودي يجي يوم واخذ حقي وحق خواتي وحق امي وحق اخوي منه

ودي اطرده من بيتنا طردة الكلاب ودي امي تكرهه زي ما انا اكرهه عشان نفتك منه

حسبنا الله ونعم الوكيل فيه هـ الانسان ولا هو مايستاهل يكون انسان هو حيوان

انا ما رح يبرد قلبي الا اذا شفت فيه عجايب قدرة الله وحتى لو اشوفه بيموت قدام عيني

مارح يحن قلبي عليه ولا افكر اسامحه صدقوني انا مو من طبعي اني قاسيه

وربي اني بعمري ما حقدت على انسان بهالشكل حتى هو ماحقدت عليه الا بعد اربع سنوات

من معاناتنا معه ..

اسفه اني طولت عليكم بس حسيت ان ودي اطلع كل الي بقلبي ..

يلزم عليك تسجيل الدخول أولًا لكتابة تعليق.

تسجيل دخول

لي مشاعر • 15 سنة

الله يعينكم ,,,,,,,,, تقربوا من امكم اكثر وضحو مشكلكم وماساتكم ,,,,,,,, وترى ما فيه مثل فلب الام

بس تقربوا لها بحب

الصندوق الابيض • 15 سنة

مشكووره اختي ع المرور

بس احنا قريبين لامي وامي تدري بحجم كرهنا له بس وش تسوي تحبه الله لايحبه

toggi • 15 سنة

شي يقهرررررررررررر
لية امك تزوجت مدام عندها عيال وبنات
وكيف تحبة وهو يعاملكم كذا ؟؟
يعني اكل وشارب وساكن بعد
مدري متي الحريم يصيرون قويات ويستغنون عن الرجل
يعني بالله يوم امك تزوجتة نفعكم ؟؟
زواج مثل قلتة
الله ياخذة ويريحكم منة بعض الرجال ماعندهم كرامة يدورن اللي يصرف عليهم
حسبي الله ونعم الوكيل

ريم// • 15 سنة

الله يكون في عونكم صراحة مشكلة
انتبهوا انتي وخواتك منه ولا تجلس وحدة منفردة معاه هدا شكله ما يخاف الله
وحاولوا تنبهون امكم بهدوء
ادا حسيتوا بتصرف مش ولا بد منه حتى رحوا حق عمكم وقالوا احنا مش مرتاحين
لان بصراحة شكل امكم عاميها لان عادي كل شي عندها

شــهــد ؟؟ • 15 سنة

امك تدرى عن كل شى وساكتها ولسه تحبوا ؟

يعنى مو خايفه عليكم من هذا العله؟

ولا فى زوج ام يقول كذا وام تسكت ؟

سورى اختى على اسلوبى

امك مو خايفه يسوى فيكم شى دام يدخل غرفكم ؟

الوحده وهى نايمه ماتحس
ممكن تتقشع ( يرتفع توبك وانتى نايمه من الحركه )
وهو نذل بيشوفكم كذا مابيفوتكم

قفلوا باب غرفتكم لمن تناموووا

وخلى ملابسكم طويله وساتره

وجعل امك تكره هذا العله وترجع لكم زى اول واحسن