حسبي الله عليها ذا الكوفيره النصابه احذرو منها

السلام عليكم ورحمه الله وبركاته

بقص لكم قص بنت اختي في يوم زوارتها مع الكوافيره النصابه الي رافعه ضغطي الي هي ام شهد .

بنات انا قد كتبت موضوع ابغي فيه وحده شغلها حلو وحده الله يعافيه عطتني مجموعه من الكوافيرات , وكلمت كم وحده وكلهم مرتبطات الا ام شهد , كلمتها بنت اختي قالت ابيك تسوين لي مكياج في يوم زوارتي قالت لها ام شهد كلميني بعد يومين بعدين قالت بعد ثلاث ايام على ذا الحال اسبوع كامل , كلمتني بنت اختي تقولي ماعطتني موعد محدد قلت لها لاتاخذينها شكلها ماتوفي باالوعد تبين تتاكدين منها قولي لها تعالي سوي لي بروفه وخذي عربون , بنت اختي كلمتها قالت تعالي سوي لي بروفه وخذي العربون , النصابه ماصدقت ان في شي اسمه عربون جت ركض سوت لها بروفه مع ان شغلها مهوب ذاك الزود وخذ ت الخمس ميه وحطتها في جيبها وطلعت .

تخيلو يوم زوارتها يوم جا الظهر تدق على بنت اختي وتقول لها اني مااقدر اجي وتحلف وتقسم ان عندها ضرف وانها تبي تروح وحده من زميلاتها وتقول ان شغلها حلو وماراح تندمين .
بنت اختي ماوافقت ورفضت بس قالت ام شهد مااقدر اجي .
المهم جت زميلتها شغلها اقل من العادي وقامت تسوي مكياج لبنت اختي ,
والكوافيرا الي جايه الثانيه الي اسمها هدى تقول اعذري ام شهد انها ماتقدر تجي عشان ملكت بنتها اليوم انها مادرت الااليوم وتفاجات باالخبر , والله لو احلف بالله ان ام شهد نصابه لاملكت بنتها ولاشي حتى لو ملكت بنتها تقدر تاجله مهوب بنات الناس لعبه عندها حسبي الله عليها شكلها لقت لها عروس وطبعا العروس اغنى وفي الاخير راحت للعروس وخلت بنت اختي المسكينه على جنب .

في الاخير احب احذركم منها لانها ماتوفي بوعدها احذروها نصيحه مني .