حسبي الله وكفى ( احتاج رأيكم )

السلام عليكم ورحمه الله وبركاته
انا مستأذنة من صاحبة اليوزر لكتابة مشكلتي
ودي اشوف تعليقكم على اللي صار
انا مع زميلاتي محترمة والكل يقدرني لي في فترة كنت اجلس وقت البريك مع مجموعة منهم وكان كل كلامهم حش وشحن على الباقي ويذكرون مشاكل البنات السابقة وكذا ويخافون من العين المهم ان عرفت نفسية هالشله بس انا رسمية مع الجميع في فترة انربطت مع وحده منهم في مشروع للجامعة فصرنا نقعد مع بعض اكثر علشان نخلص المشروع وكانت بس تفضفض وتقول انها كارهه المكان وتمدح نفسها انها طيبه وكذا في يوم جت وقالت امانه بقولك كلام بلغتني عن كلام قايلته وحده من زميلاتنا يمس شخصيتي وكرامتي انا مره عصبت وهي فرحانه وتعزز البنت هذي كانت تجي الفترة المسائية وبعد يومين صارت معنا وانا مبلغة الاولى اني ماراح اسكت لها لما جت البنت اللي تكلمت علي جيته وواضح علي اني متنرفزة وسألتها انتي فعلاً حاكيه هالكلام عني وهي على طول نفخت ريشها وقالت لا من يقول قلت حابه أتأكد وماعليك من اللي حكاه قالت انا ابي اللي حكاه قلت أوكيه وانا نيتي مالي في المشاكل ولاني حابه اكبرها بس كان لازم أوقفها عند حدها الاولى قالت الا هي قائله وانا سامعتهاولايهمك قلت واجهيها طبعاً ماأجبرتها
بكذا استأذنتها علشان هذيك تقول اني فقط احاول أضعها في مشكلة تواجهوا من بعيد شفتهم ولما سألتها بعدين وش صار قالت مالك دخل وشلتها يقولون تحبين انتي تكبرني الأمور قلت حسبي الله ونعم الوكيل فيكم وعرفت انهم مافيهم خير واللي تكلمت فيني مره رافعه خشمها وصاروا مع بعض صحبة يعني انقلب الموضوع علي انا هنا طنشتهم وعرفت ان الله يحبني اللي كشفهم لي علشان ابتعدبس أقول لو ماسكة الاثنتين قدامي وفاصله عليهم كان ارتحت اكثر بس اخلاقي وتربيتي ماتسمح المهم انا كأني ماأشوف الثنتين مطنشتهم ولااسلم عليهم ولااهتم بس مع باقي البنات عادي لان مالهم دخل في المشكلة .. تفاجأت ان باقي شلتها ماتسلم مع ان ماجاهم شي مني أبد وبس يحكون ويغتابون فيني ويحاولون يشوهون صورتي عند باقي البنات مع ان النمامة هي الاولى اللي جابت الكلام وانا دافعت عن نفسي اليوم اسآل وحده عن حاجه وهي جالسه بعد الاختبار تحاول تختصر في الإجابة بعدين قالت ياأختي لاتسأليني عن شي واللي يمر مايسلم انا ماأدري وش هم قاعدين يتكلمون عني بس ربي يدري ودعيت عليهم دعاء الله يفرق شملهم وحسبي الله عليهم ونعم الوكيل
انا لحظات الوم نفسي المفروض اني ماأخذه حقي منهم وماأحترمتهم ودافعت عن نفسي قوة
البنت سوت فتنة عمت مجموعة كبيرة من البنات حسبي الله عليها ماهي على خير حتى فيه بنات خبرتني بمواقف صايرة وكملتها لي عرفت انها صادقة وصارت نفسي ثقيلة عليهم ولا عاد اعطيهم وجه أبد صرت لحالي وفي حالي . واكتشفت ان الشلة هذي فيهم حسد علي لتميزي باأشياء عنهم
احتاج تعليقكم على السالفة .