حصلت لكم مواقف تجرح وتبكيكم زي كذا؟؟ وكيف اتصرف

اخواتي
من حصل لها موقف يجرح
تحس انها مطرودة او غير مرغوب فيها
عندي كم موقف منها.بما ان رمضان قرب
الله يبلغنا وجميع المسلمين ونحن باحسن حال يارب
زوجي يحب اوقات نفطر بيت اهله
وهناك ماغير امه واخته
طبعا اخته مو صغيرة عمرها تقريبا ٣٨
***رمضان قبل العام كنت اعاني من ظرف صحي وزوجي يحب اكل الوالدة وبيت اهله قريب من دوامه
الموضوع لأكثر من سبب كنا نفطر عندهم
انا كنت اعمل معي شي بسيط واوقات بدون
لكن سمبوسة زوجي كنت اخذها معي اغلب الايام
انتهى رمضان بخير وسلامة الحمدلله
بعدها تقريبا بسته اشهر قالت لي اخته
رمضان الجاي روحي لاهلك ( طردة صريحة)
**رمضان العام كنت مضغوطة اكثر سبحان الله وعندي عمال بالبيت وانا كنت اربي واطبخ وانظف وكل شي و اقول معليش في بيتي اتعب المهم الراحة النفسية وعملت اغلب الاشياء فرزنت وعملت العصيرات والحلويات كميات من الليل
علشان يخف عني الشغل
شاء الله وانعزمنا بيت اهل زوجي يادوب نفس اليوم
اخت زوجي ماغيرها تشتكي وتقول ان طفلتي ازعجتهم على الفطور
مع انها جالسة جنبي ولاوسخت ولا عملت شي
صرت اغلب الايام اصرف زوجي اوقات يفطر عندهم لحاله
والحين شايلة هم رمضان الجاي
اذا قال نروح نفطر عندهم
وش ارد عليه؟؟
احكي له على اخته
او اسكت
ابغى اوضح له صورة بدون مشاكل وعلشان يعرف اني رفضت لسبب
مقهورة يابنات ياليت عملت لها شي علشان أسلوبها معي وهذه العداوة
اوقات اطلع من بيتهم دمعتي على خدي
لو انتوا بمكاني كيف تتصرفون؟؟؟