حضور الزوج ومشاهد الولاده...!!

أنا مع حضور الزوج الولادة

لأن معظم الأزواج ما يعرفون التعب اللي نتعبه الا بعد ما يشوفون بعيونهم ..

أنا زوجي حضر ولاداتي كلها .. أول مرة كان متردد وشجعته وثاني مرة هو اللي أصر يحضر..

وتفاجأ في الولادة الأولى من شدة الألم وانكسر خاطره ..

وسألته مرة قلتله حسيت ولو للحظة اني أدلع أو أفتعل هالألم ..

قالي بالعكس أحسج أخفيتي أكثر من اللي أظهرتيه ..

ووجود الزوج يرفع معنويات الزوجة ويعطيها عزيمة وقوة غير شكل ..

مشكوووووورة لطرح هالموضوع الحلووووووووو ..

ننتظر بقية الآراااااء ..

انا بكريه لسه ماولدت وجربت بس طبعآ ماحدخل زوجي يشوف الولاده هو حيحضر معي الآم الطلق والتعب بس الولاده لا
وزوجي يقدر التعب لأن سبق وصارلي اجهاض والمسكين تعب نفسيآ مره من تعبي وبكاي وعارف ان الولاده مو شي سهل
لكن في اشياء وقت الولاده تحدث مو زين الزوج يشوفها وياكثر اللي حضروا ولادات زوجاتهم وتقرفوا من الوضع وتزوجوا بأخرى مع انها مرأه زيها زي غيرها واللي جرى لها بيجري على الثانيه

أنا ضد حضور الزوج
لأني ماأحب زوجي يشوفني وأنا أتآلم
والزوج الي فيه احساس راح يشوف التعب على زوجته بعد الولادة ويقدر تعبها ومعاناتها
والي مافية اي ذرة احساس والله لو يدخل عليها مية مرة ماراح يحس

أنا أعرف واحدة زوجها حضر الولادة ومن يومها مايقرب صوبها لاع منها ومن منظر الدم ...
وواحدة ثانية زوجها ماتحمل المنظر وتعرض لحالة إغماء ...
عند مشاهدة الدم وراس الياهل والكل إنشغل به بدل إنشغالهم بالأم ..

أنا بعد بكرية ومع جرح الزمن في ردها مع إني أحيان أتردد لكن أخاف يتقرف لذلك من البداية ماراح أخليه يدخل معي