حفلة بنتي واللي يصير فيها

بنات انا بسوي لبنتي حفلة عمرها 11سنة الله يبلغني فيها ويرزقني برها

وناوية الحفلة تكون بنوتية بقووووة وكلها دلع وحركات

الحفلة لانها خلاص كبرت بحسسها باهميتها وكمان اعوضها عن حفلات صديقاتها لاني ما اخليها تروح

لكن ايش المشكلة بالحفلة؟؟؟انا ناوية اعزم كم وحدة بس من بنات اقاربنا لانه ابغاها كمان تقوي العلاقة بينهم لانه عادي نطلع مع بعض ونسافر وتروح لهم البيت لو عزموها وهم كمان معاها بالمدرسة

بتقولون وين المشكلة؟؟؟


المشكلة اني لو اقولهم الاهل مايرسلون البنت لوحدها الا يرسلون اخوانها الصغار كلهم معاها:09::angry:
كانهم ماصدقو يخلصون منهم حتي ابو سنتين يرسلونه وانا مو ناقصة الحفلة تصير كلها بزورة هذا غير العدد بدل مايكونون خمسة مثلا بيصيرون 15

وزي ماقلت لكم انا ابغاها جلسة بناتية وحركات وصراحة بتكلف فيها بمبلغ عشان بنتي بس اكيد اذا خمسة ماراح يكون المبلغ كبير زي 15 ابغي بس اللي بعمر بنتي لكن اذا الكل موجود بيصير مهرجان خخخ

ايش رايكم ايش الحل مع هالناس؟؟؟لاني مرة لمحت لهم وتكلمت بشكل عام فيقولون والله نرسلهم كلهم كلهم زي بعض مانبغاهم يتهاوشون
ومافي اي امل اقدر اعزم صاحبات لبنتي غيرهم لاني لوعزمت غيرهم بفتح علي نفسي باب انها بتروح لهم