حفلة زوجتي

في يوم من الايام
كنت انا وزوجتي راكبين دباب بحري
خلال سفرنا باحدى الدول البعيده جغرافيا
عطيتها وجه وخليتها تسوق وانا ورى عز الله ماقصرت
لعبت في ظهري بالسرعه
عشان كذا يوم جت تنزل هووووب في البحر:hahaha:
بس والله خفت لايسحبها الموج كان مرتفع مره
وانا انط وراها حاولت امسكها
وهي تضحك تقول كيف الحركه :icon19:
عصبت من قلب انا خايف تغرق وهي تضحك
حسيت انها متعمده
وانحرجت لأن السعوديين ماقصرا تجمعوا يوم شافو عبايه في البحر
خدمه يالحبيب .. اسم الله وش جابههم هنا
الحمدلله طلعتها
وقلت لها ظفي وجهتس على الغرفه بسرعه
بكت قالت ملابسي كلها تراب ومويه
قلت دبري نفستس مالي دخل
ولا ابي امشي معها وحالتها حاله
طبعا هي تحسبني انا السبب على بالها اني ميلت الدباب
وطرحتها عشان كذا ضحكت
لكن فهمت بعدين ان اللي صار غير ..
لأنها نزلت قبل يقرب الدباب من الشاطي
وعلى بالها بالبر نزلت مثل الدباب العادي
والمفروض تنزل من روى عشان لايميل الدباب
بعد المويه كانت مرتفعه وتغررررقت من قلب ...
مع انها تعرف الدباب من اول لكن العجله شينه
راحت الغرفه وهي تصيح :icon33:
كانت تضحك اول
ثم بكت يوم عصبت عليها
انقهرت على بالها الموقف طريف
مادرت انها بغت تروح فيها
بنفس الوقت انحرجت من شكلها
بشتها كله مويه وتررراب
جرت نفسها وعلى الغرفه
ودموعها تنهمر:icon33:
رجعت لقيتها تشرب قهوة ولاكلمتها
رحت اتسبح لاني قلبت سوبر مان وطمرت معها في البحر ..
ماقصرت زينت لي كوب معها ..
مازالت دموعها تنهمر بصمت
ماكلمتها تقهويت وطلعت اصلي المغرب
طبعا عقب رجعت انواع الهواش والنقاش الحاد :024:
ونمنا على كذا
في اليوم الثاني سافرنا لمدينه ثانية
مازالت زعلانه ولاتتكلم واجد
حسيت اني كبرتها مره وهو موقف عادي
يحدث في احسن العائلات
تناقشنا وكل فهم وضع الثاني والحمدلله
قررت ازين لها حفله بسيطه :rotaeye:
دايم ماتقصر تزين لي حفلات قلت اتلحلح هالمره وازين شي
اول ماوصلنا غرفتنا نمنا
قمنا الصبح فطرنا تمشينا
ورجعنا غرفتنا نريح شوي
والعصر طلعنا برى
وبما انها مغرمه في العطور قلت لها اليوم يومك
خذي ست عطور استانست وبدت تختار
اخذت طقم لي ولها و2 زياده يمكن الكل ب1000
قالت هذي تكفي زين عرفتها :hahaha:
فرفرنا شوي ورجعنا غرفتنا الساعه 8 ليل
رجعنا على الغرفة الجديدة
هنا كانت المفاجأة :smheart:
278081

278082

278083


كان بارتي صغيرون بتنسيق مع الفندق
يغيرون الغرفه ويزينونها
كانت التكلفه بسيطه 300 الباقة والكيكه والشوكلت 100
جملة اعتراضية (وماقصرت زينت لنا احلى قهوة عربيه
لأن معها بن وزعفران وهيل مره سنعه لووول)
والعطور حول 1000
ثم طلبنا عشا من مطعم الفندق وكان حلو وخفيف
سلطات ومشاوي وعصير والحمدلله
شفت الفرحه بعيونها :love:
كانت فكره حلوه وجت بوقتها واهم شي جابت نتيجه
ماتهاوشنا الين رجعنا الرياض
وسلامتكم
:laugh2: