هذا اول موضوع لي وياآرب اكون خفيفه على قلووبكم
اول شي راح اعلمكم تجربتي مع السمنه .. انا اخر وزن وصلت له 99 ونص << مابقى شي على الميه:icon28:
.. وطبعا طوولي مره مايجي مع وزني الفرق 30 كيلو لازم انزلهم :(.. ماخليت مكان جربت جميع الحلول بس ماكنت المشكله بالأماكن اللي كنت اروحها او الدكاتره كانت المشكله فيني انا لأني ماعندي عزيمه اسوي رجيم شهر واوقف سنه وارجع لاكلي لين خرب جسمي:( .. طبعا كنت اعرف وحده من سنين واقسم بالله يابنات كان وزنها مايقل عن الــ120 وكانت مره مره دبه .. وكانت بالقوه تمشي .. تخيلو شفتها قبل شهرين بعد قطعه سنتين كامله يوم شفتها تخيلو كم وززنها 70 شي فضييع انصدمت سألتها عن السبب بس تعرفون بعض البنات مايحبون يعلمون وش السبب يحبون يحتفظوون بسر رشاقتهم :).. بس تقولي رجيم ولما نجلس ناكل ماتآكل معنا الا لقمه لقمتين وتقوم سألتها كم لك تسوين رجيم قالت سنه تقول جتني حاله نفسيه من وزني وجسمي حتى رجولي توجعني من الثقل وانقهر لما اشوف بنات بسني يلبسون احلا لبس وانا ماغير البس وسيع عشأن اخفي عيوب جسمي .. يومها انا تحطمت واخذت القرآر بأني اعزم على عمل الرجيم وجاتني العزيمه والحمد لله مشاء الله تبأرك الله بشهرين نزل وزني من 99 ونص لــ85 الحمد لله وباقي ماشيه على الرجيم .. ولعلمكم كان اكثر شي يسمني المشروبات الغازيه كنت اشرب باليوم ولا ست علب ببسي والحين الحمد لله على السيزر والعصيرات الطبيعيه
انا ابي اسوي معكم تحدي بالنزول وكل وحده تمشي على رجيمها ونمشي على السير لين ربي يفرجها ونوصل للوزن المطلوب .. وانا ماكتبت هالموضوع الا لأني احتاج تشجيع شوي لأني بديت امل تكفون اللي عندها استعداد تمشي معي بالتحدي تتوكل على الله راح اعطيكم رجيم نزلني بس مدته ست ايآم مره حلو بس يبيله صبر وعزيمه وهذا الرجيم انا اشهد له انه حلو حلو بمعنى الكلمه
يومين فاكهه كلما تجوعين تااكلين فاكهه الا الموز والمنقا والتين والرطب والعنب مع شرب مويه بكثره
ويومين خضار سلطه او خضار مسلوقه من غير بهارات وملح خفيف مع شرب مويه بكثره
ويومين حليب وزبادي خالي الدسم او قليل الدسم مع شرب مويه بكثره
واقسم بالله يابنات ان هالجريم تعبني صدق بس نزلني 4 كيلو بــ6 ايآم بس يبيله عزيمه واراده وصبر وانا اسويه بالشهر مره لأنه متعب :( واللي تسويه تعلمنا وش صآر معها
.. ادري اني طولت عليكم
وادعولي تكفون ان الله يشفي ابني من مرضه
وترا الرشاقه مالها سر مجرد تسكيرة فم
وااااااااصلي