^^^حلــــــــــــــ * _* ـــــــــــى الكبده ^^^

بسم الله الرحمن الرحيم
السلام عليكم ورحمة الله وبركاته
كل عام وانتم بخير بمناسبة قرب عشر ذي الحجه ولاننسى فضلها ولابد من الاكثار من الطاعات فيها وفيه يوم عظيم هو يوم عرفه طبعا اوصى نفسي اولاً ثم اوصيكم اخواتي بهذه الفرصه العظيمه من الله سبحانه وتعالي وأسأل الله العلي ان يسهل على الحجاج حجهم وان ينصر الاسلام والمسلمين في كل مكان وان ينصر جيوشنا ضد الحوثيين .
.............................................................
طبعا بهذه المناسبه عملت لكم حلى واسمه ((( حلى الكبده )))
راح تستغربون من الاسم شوي بس ترا هوه مافيه كبده نهائيا بس شكله ولونه وملمسه واللمعه اللي فيه تشبه الكبده
واتمنى انه يعجبكم .
بس فيه ملاحظات
لما تحطين الطبقه الثانيه ماتحركين الصينيه نهائيا ولا تحركين الطبقه الثانيه عند صبها بالملعقه لانه راح تخرب يعني من القدرصبيها بتساوي على الطبقه الاولي وخلاص خليها تجمه وهي في نفس المكان وبعد خمس دقايق حطيها الثلاجه لين تبرد شوي وقطعيها وبالعافيه عليكم
بنات ترا انا اول ماعملتها رحت وحركت الصينيه والله خرب شكل الطبقه لانها اصلا بتكون جامده مايحتاج تحركينها
المقادير
الطبقه الاولي
واحد كاس حليب بودره
واحد كاس سميد
نص كاس سكر ناعم
نص كاس زيت
قشطه وحده (( التاج او المراعي او الطائي اللي يعجبك )))
الطريقه
نضع الحليب والسميد على النار حتى يشقروا وبعدها ننزلهم من النار ونضع عليهم السكر والزيت والقشطه ونحركهم سواء لين تصبح عجينه لينه وبعدها هاتي صينيه وافردي الطبقه الاولى فيها وخليها تبرد سواء بالثلاجه او عند المكيف ((( انا عندي مكيف في المطبخ اخلى الطبقه الاولي تبرد من المكيف )))
نجي الحين للطبقه الثانيه
نص كاس مويه
قشطه
اربع ملاعق كاكاو بودره سوداء
فنجان قهوه سكر
ظرفين كريمه
تخلط جميعا مع بعض الي ان يتجانسوا وتوضع على النار مع التحريك المستمر حتى تصبح شوي ثقيله مثل المهلبيه وبعدها نضعها على الطبقه الاولي صب وليس بالملعقه وبالتساوي وبعدها نترك الصينيه شوي عشان تجمد اكثر ومايخرب الشكل وبعدين ندخلها الثلاجه بس تبرد شوي تقطعوها وتاكلوها بالعافيه روعه مع القهوه
.....................................................
بنات اللي تحب النسكافيه تقدر تحط شوية نسكافيه بودره معاه
لازم كاكاو بودره غامقه عشان تصبح مثل الكبده بس انا لما سويتها ماكان عندي غير ملعقتين كاكاو وصار لونها شوي فاتح



:26:



وهذي الصور طبعا صورت لها صور كثيره بس مدري فين راحوا كويس اللي جلس منها صورتين بسرعه خليني انزلهم قبل لايختفوا هما كمان




253433


253434




بنات نسيت اكتب اسمي عليهم




ياليت اللي تنقلهم تكتب من عالم حواء




:26::26::26: