روح التيفاني @roh_altyfany
عضوة جديدة
حلفتكم بالله ايش رايكم بموقف زوجي
اولا السلام عليكم ورحمة الله وبركاته طبعا هدي اول موضوع انزله وقسما بالله نزلته لان ماعندي غيركم اخذ رائيه باللي بقول والا ابقولكم السالفه من اول انا متزوجه لي 12 سنه وعندي بنت وحده واحب زوجي وهو يحبني والحمدلله حالنا ماشي بس من فتره شكيت ان زوجي عنده جوال ثاني والله ما شفت عليه شي بس مجرد شك فقط سبحان الله حسيت وبس المهم لدرجة اني سالته وقال لا ماعندي الا جوالي قلت له طيب ليش انا احس ومن ذا الكلام ومرت الايام والشهور وفي يوم كنا طالعين برا ونزل زوجي البقاله وجلست افتح الادراج مالقيت شي وقلت خلني اشوف عند الباب ودخلت يدي وفعلا لقيت جوال ابو كشاف وكان على الصامت المهم فتحته بسرعه و دخلت على الرسايل ولقيت وحده مرسله له طمني عليك قبل لاتروح البيت وغيرها المهم انا هنا لا تسالون عن وضعي النفسي والجسدي والمعنوي كل شي فيني تعبببببب المهم رجعته بسرعه محله وعادي ماكان شي صار وانتظرت الين اروح البيت ورجعنا البيت وانتظرت زوجي ينام ونزلت السياره واخذته وجلست اقلب فيه واقرا وشفت الاسماء وسجلت كل الاسماء عندي في ورقه وبالذات رقم الكلبه اللي ترسله وطلعت متزوجه وعندها ولد المهم وربي يابنات جلست في خوف وتوتر وقلق الله اللي يعلم فيه واني اقوم اوضي واصلي واطلب ربي انه يهدي الامور وقسما بالله يابنات اكثر شي ريحني لما قلت حسبي الله لا اله الا هو عليه توكلت وهورب العرش العظيم سبع مرااات انصحكم فيها اللي عنده هم يقولها وكمان لاحول ولا قوة الا بالله المهم انا الحين ما ادري كيف اتصرف هل ارجع الجوال في السياره ولا اخليه عندي المهم قررت اخليه عندي وصحي وانا وضعي عادي المهم نزل يصلي العصر ودخل وقال اقول ماشفتي جوال زميلي كان في السياره قلت له بنظرة احتقار لا ما شفته وراح ورجع وسالني وقال انتي اخذتيه ولا لا قلت لا مااخذته قال حق زميلي وايش اسوي الحين قلت له ايش اسم الجهاز قال ابو كشاف قلت له الله لا يجيب اكبر اشتر له واحد واعطه تراه بخمسين ريال المهم قال والله انك انتي اللي اخذتيه قلت ايوا انا اللي اخذته قال هاتيه برجعه لزميلي وقلت زميلك ايش يبغى فيه اشتاق لحنان حنان هذي اللي ترسل المهم انقلب وجهه وقلت الجوال لك والرسايل لك صح ولا لا وانا قمت اصارخ ويقول لا ماهو ليه لزميلي واني اصيح عليه وقلت زميلك اسمه زي اسمك وعنده بنت زي بنتك حتى اسم بنتك تعرفه واكيد تعرف اسمي كمان وفجاه قال بلوه وابتليت فيها قلت ايش اللي خلاك تكلم من وراي وقال قسما بالله ان زملائي في العمل كلهم يكلمونها وانا تلقفت وكلمتها وطلبت رقمي واعطيتها وقال وربي انها سوالف عاديه وضحك وهي متزوجه وعندها ولد وان الشغله بس تضييع وقت وقمت ابكي وبعدين قلت له انا اصلا غبيه ليش ابكي المفروض ما ابكي انا خلاص خسرتك وخسرت بيتي المفروض انت اللي تبكي مو انا وقمت اساله حلفتك بالله انا قصرت عليك في شي انا سويت شي يزعلك يعني خلاص عجبك انك هدمت بيتك بنفسك عشان بنات الحرام انا ايش سويت لك وايش ذنب بنتي وانا كان قلبي حاس وتقولي لا ماعندي جوال ثاني وقلت له كلااااام كثيييير وهو ساكت وراسه في الارض وربي حتى ما يطالع فيني وفجاه قام ومسكني مع يدي ووقفني وقال وين الجوال قلت ايش تبغى فيه قال هاتيه وبس وراح المطبخ واخذ الساطور واعطيته الجوال وقام يكسره ويكسره والله يوم انه يكسره كانه يكسر راس الحيوانه اللي تكلمه ويحظني ويضمني ويقول سامحيني وراح على المصحف وحلف على المصحف واقسم بالله انه ماراح يعيدها وانها اخر مره وهذي نزوة شيطان وجلس يحظني وانا جلست ابكي وابكي وقلت له والله انه كان قراري اني اروح لاهلي ومعاد ارجع لك لاني وقتها كنت اتجهز بصيف عند اهلي والحين الحمد لله كاني ارتحت شوي يوم كسر الجوال بس ما ادري ليش احس اني باقي خايفه والحين ابغى منكم نصايح ايش اسوي وكيف اتصرف وطيب ايش رايكم انا الحين افكر اكتب رسالة للكلبه وامسح فيها البلاط بس ماني عارفه ايش اقولها تكفووون عطوني كلمات اقوله لها تبرد قلبي فيها ودمتووووو
55
9K
يلزم عليك تسجيل الدخول أولًا لكتابة تعليق.
شهرزااد@
•
عليك بالدعاء لك ولزوجك وكمان المراه هذي ادعي ان الله يهديها ويبعدها عنك
الله يخليكم لبعض ولا يفرق بينكم..
خلاص دامه حلف عالمصحف وكسر الجوال صدقيه ولاتخافي وخلي يكون عندك ثقه وصدقيني انه ندم وادعي ان ربي يسخره لك..
خلاص دامه حلف عالمصحف وكسر الجوال صدقيه ولاتخافي وخلي يكون عندك ثقه وصدقيني انه ندم وادعي ان ربي يسخره لك..
احمدي ربيك واشكريه على موقف زوجك
غيرك يضربها اذا فتشت وراه عشان يطلع نفسه بريء وانتي الغلطانة
لا ترسلي لها ولا شي ابداااا
انتهى الموضوع وزوجك ما شاء الله عاقل واعتذر لك
ربي يوفق الجميع
غيرك يضربها اذا فتشت وراه عشان يطلع نفسه بريء وانتي الغلطانة
لا ترسلي لها ولا شي ابداااا
انتهى الموضوع وزوجك ما شاء الله عاقل واعتذر لك
ربي يوفق الجميع
Danayh
•
الله يسخركم لبعض خيتووو هدي نفسك وحمدي ربك ماوصل الموضوع اكبر من كذا ومادام كسر الجوال خلاص معناتة متندم على الي سواه ونصيحه مني لاترسلي لها ولا تفتحي عليك باب من المشاكل والقيل والقال خلك الحين في بيتك وزوجك وبنتك والله يحفظكم
الله يخليكم لبعض ولا يفرق بينكم.. خلاص دامه حلف عالمصحف وكسر الجوال صدقيه ولاتخافي وخلي يكون عندك ثقه وصدقيني انه ندم وادعي ان ربي يسخره لك..الله يخليكم لبعض ولا يفرق بينكم.. خلاص دامه حلف عالمصحف وكسر الجوال صدقيه ولاتخافي وخلي يكون...
الصفحة الأخيرة