حلى لذيذ جدا وتغليفة الكيك اللي وعدت فيها من زمان

السلام عليكم أخواتي
كيف حالكم ؟ من زمان عنكم
عندي اليوم لكم حلى لذيذ ومنعش كأنه ايس كريم وبكتب تغليفة كيك بطعم القهوة الي وعدت فيها من زمان
نبدأ بسم الله
يفضل عملها في صينية البايركس الحجم الوسط وممكن تسووها في كاسات أو صحون بس المهم ما تكون عميقة كثير واذا سويتوها في الصحون ما راح تعطيكم كمية كبيرة مثل الصينية يمكن تسوي 4-5 كاسات يعتمد على حسب الكاسة المستخدمة
ط1: بسكوت شاي يغمس في حليب بارد ونعمل طبقتين فقط
ط2 : نحمس كاس حليب بودرة محموس ونخلطه مع علبة قشطة وملعقة كبيرة نستله وبعض الأحيان أزيد اخليها ملعقتين ومرات ثلاث ، 3ملاعق كبيرة سكر ناعم مو مطحون و2ملعقة كبيرة زيت وبعد الخلط نضعهم على البسكوت
ط3: نص علبة حليب نستلة كبيرة والغالب اني أزيد عن النص وظرف دريم ويب وعلبة قشطة وملعقة صغيرة نسكافه نخلطهم في الخلاط ونحطها على الطبقة الثانية ونبردها في الثلاجة ساعتين ثلاث على راحتكم بس عندي شوية ملاحظات
اولا لما نسوي الطبقة 3 نستخدم قشطة باردة وممكن تبردوا الحليب بس المهم تبردوا القشطة عشان الدريم ويب يثخن
ثانيا: لاتزيدو الحليب المكثف في الطبقة 3 كثير لانها ما راح تمسك معاكم
اذا زينتوها بهيرشيز السائل لا تكثروا منه عشان ما يخرب الطعم

اما تغليفة الكيك فهي نفس مقادير الطبقة الثالثة بس الحليب المحلى بتستخدموا العلبة الصغيرة
علبة نستله حجم صغير +قشطة باردة + ظرف دريم ويب + م ص نسكافه وممكن تستغنوا عنها وجربوها لما تسووا كيك
انا صراحة سويتها على خليط كيك من صنع يدي ما جربتها على الخليط الجاهز ( قصدي العلالي وبيتي كروكر ) واذا عجبكم شي ادعولي واذا ما عجبكم لا تدعون علي
وسلااااامتكم