حملت ولكن..خارج الرحم

أول شي الحمد لله على كل حال ويارب تعوضني خير وترزقني الذريه الصالحه
والله يابنات ماتتخيلون فرحتي يوم شفت تحليل الحمل ايجابي
ولما صار ينزل علي دم توقعت اني باسقط خاصه انه لي حملين سقطتهم قبل كذا المهم عطتني الدكتوره مثبت للحمل وبعد يومين قالت لي لازم نعمل سونار مهبلي
وبعد السونار اكتشفوا انه حمل خارج الرحم في قناة فالوب والله يابنات اني انصدمت
طبعا قررت الدكتوره عمليه بالمنظار مع بنج كامل وتنويم بالمستشفى وانا الله لا يوريكم الدموع والصياح
وسووا ثلاث فتحات وشالوا الحمل وشالوا معه قناة فالوب اللي صار فيها الحمل...
اللي مكدرني انهم شالو هالقناة اللي توصل البويضه من المبيض الى الرحم
طبعا باقي القناه الثانيه وبإذن الله يكتب لي الحمل عاجل غير اجل
دعواتكم لي لأني سبق وأجهضت قبل كذا مرتين
والله يابنات مايمديني احلل ويقولون مبروك حامل الا ثاني يوم أسقط