حميه سكر يجزاكم خير ادخلوااا

كنت بنزل نفس الموضوع بس سبقتيني

انتظر معاج ..

ممنوع السكر نهائيا
البيبسي و اخوانه منعا باتا
العيش و الخبز الابيض ابتعدي عنهم...
خلج على الخبر الاسمر بس حبه وحده باليوم...
البطيخ و الفواكه السكريه ممنوعه
الخيار عادي
الملح خففي منه لانه يزيد الضغط ومع السكر هناك احتمالات يجي بسم الله تسمم حمل
الليمون عادي لكن باعتدال للتبيل
الثوم عادي
الخيار عادي
الخس عادي
اكلي لحم او سمك او دجاج مشوي
الشاي ...بدون سكر ..ولالفضل شاي ورق التوت من دون سكر او عسل
الفطر و السبانخ عادي
اذا احتجتي تحليه استعملي المحلي مال السكر في واحد نصحتني به الدكتوره اسمه equal
السويا سوس عادي
الحليب منزوع الدسم
الروب منزوع الدسم
لا لا لا للحلويات...او الايسكريم
التمر حبه او حبتين في اليوم وليس اكثر (واذا عادي عندك تستغني عنه احسن)


اتمنى اني افدتكم.....وهذا اللي قالتلي عليه الدكتوره بالمسموح و الممنوع

مشكووورة اختي مرت سلطااان

حبيت اسئل عن المكرونه والبطاطا ممنوع بمعني ان جميع نشوياات ممنوعه

كنت بنزل نفس الموضوع بس سبقتيني

انتظر معاكم ..

البطاطا ممنوعه لانه كربوهيدرات وتتحول لسكر بالدم...
المعكرونه تعتبر من النشويات بس هي احسن من البطاطا و العيش ..
يعني لو كميه بسيطه من المعكرونه مب مشكله لو في خاطرك مره واحده فقط بالاسبوع...
انتو كل ما تسالوني اذكر شو قالتلي الدكتوره...فخذو راحتكم...
ولازم لازم تسوين اختبار منزلي للسكر بالبيت بعد الاكل بساعتين(وخلال هذي الساعتين ما تآكلين اي شي) و الجهاز تشترينه من الصيدليه و سهل الاستعمال...
اذا شفتي انه السكر ارتفع بعد الاكل بساعتين اعرفي انج كلتي شي غلط...واتجنبيه...
واعرفي انه السكر لو ارتفع شوي عندج هذا مثل المطر الغزير من السكر او الجلوكوز على البيبي...
وهو ما يقدر يتعامل مع هذي الكميه الكبيره...
وامشي امشي امشي ...المشي يقلل نسبة السكر بالدم ..بس هذا مو يعني كلي اللي تبينه و امشي

اولا و اخيرا هذا البيبي امانه في رقبتك وشو يعني كمن شهر بدون هذي الاشياء في سبيل صحة البيبي...