حوامل البحرين هلب مي

لسلام عليكم
هلا ولله بنت ديرتي انا مثلك حملي الاول
وانا الحين الحمدلله خلصت من مشتريات طفلي اما عن الاغراض الي يحتاجها شفتها في عده موقع وجمعتها
المهم المحلات الي شريت منها مرينا مول و مجمع الرفاع ومدركير الي في جيان
وراح اعطيكي السته الي انا كتبتها
- ملابس داخلية مقاس من 0-3 و 3-6 والعدد 12 حبه
2- مابس نوم عدد 10 من مقاس 0-3 و3-6
3-طقم ملابس كامله مع القبعات والقفازات مال الرجل والايد العدد6
4-مهدات عدد8 الوان مشكله
5- مريله عدد 8 الون مشكله
6-فوط اصغار عدد12الوان مشكله
7-فوط كبيرة حق الاستحمام ذو راس عدد 3

8-اسفنجة كبيرة لحوض الاستحمام
9-حوض للاستحمام
10-مهاد من جلد لتبديل الملابس
11-علبة مقلم اظافر ومشط للشعر
12- قطن طبي
13-جهاز لسماع الطفل
14- مصاصات = زجاجات الرضاعة
15-فرشاه لتنظيف زجاجات الرضاعة
16-ميزان لدرجة الحرارة
17- مهد = حقيبة
18- كرم خاص للتهاب الحفضات
19- سرير للطفل
اما الاغراض الي تحتاجينها حق المستشفى:
1-حماله صدر للرضاعة عدد2
2-نعال عدد1
3-حشوات للصدر لعدم تسرب الحليب
4- ملابس داخلية عدد5
5-ملابس مريحة وخاصة حق الرضاعة بتحصلينها في محل كوخ الامومة في بكوارة
6-ادوات الاستحمام(معجون اسنان+فرشاة الاسنان+شابوا للشعر والجسم+صابونه+فوطة كبيرة للجسم+فوطة صغير للوجة)
7- ادوات الزينة(فرشاه للشعر+كحل+مرطب للشفاه+دهن العود+كريم لليد+ديودرنت+ربطات حق الشعر+ مفرش السرير)
اما عن حقيبة الطفل حق المستشفى:
1-الحقيبة+الفراش
2-فوطة منشفة للطفل
3- مناديل رطبة للتنظيف
4- حفاظات المواليد 2 كيلو لى 5 كيلو
5- ادوات الاستحمام( شابوا للشعر+صابون للجسم+بودرة+لوشن+قطن)
6-ملابس الطفل عدد8 لانه راح يبدلونة وايد
7- ملابس داخلية عدد8
8-بروش+مشط+مقراض+ مقص+قفازت لليد+ قبعات+المهاد عدد6 من نوع قماش اسمة ململ تحصلينة في مجمع الرفاع
ملاحظة: لا تكثرين من الملابس الي مقاسها 0-3 اخدي ملابس مقاسها اكبر عشان تستفيدين لانه الطفل يكبر بسرعة
اختك في الله
ام صباح

بسم الله الرحمن الرحيم
الحمد الله رب العالمين

شكرا لج حبيبتي ام صباح وكنت فعلا محتاجة حق اغراض الي في شنطة البيبي حق المستشفى وشكرا انج كتبتيهم لي.
بس بسالك يعني هالاغراض مو وايد يعيني حق كم يوم في المستشفى تقريبا.
وبغيت اسلك وين ناوية انشاء الله تولدين؟
اشوفك على خير
فراشة

حلو ترتيبج للسته ام صباح وانشالله الباقي يفيدونا بعد

الله يسهل لكم ولنا يارب

انا في الشهر الثالث الحين.. وثيابي ضاقت علي الحين شوي .. وانا ادرس في الجامعه.. حبيت اسألج شنو احسن شي البس في الجامعة؟؟ شي مريح وكشخه بنفس الوقت؟؟ وهل لبس البنطلون او التنورة ووضعهم تحت البطن او عليه بيأثر لو شلون؟؟

صراحة احس روحي شويات متوهقة ولاني عارفة شسوي..

سؤال اخير..سمعتون عن الولادة تحت الماء الي قبل جم سنة طلعوها على التلفزيون؟؟ ابي اعرف عنها اكثر!!

بسم الله الرحمن الرحيم
الحمد الله رب العالمين

هلا بيج ثلج ونار
اي المفروض من الحين تلبسين اشياء واسعة علشان الجنين.
وعن الولادة تحت الماي بصراحة مااقدر افيدج انشاء الله احد من الموجودين يفيدونج.
تحياتي
فراشة

للرفع