كيف الحال حبيباتي؟؟
قبل امس زاروني صديقاتي وماعطوني خبر إلا قبلها بالليل
وبما إنه أبو الشباب مسافر فقررت إنه يكون كل شي شغل بيت فشمرت عن أناملي الناعمة >>>إيه باينة النعومة وكلها تضاريس
وصحيت الصباح عالمطبخ على طول وسويت كم طبق ورحت المعهد وبعد مارجعت من المعهد كملت الباقي واللي ساعدني أكثر إنهم قالوا حيجوا متأخرين
أول ماجوا قدمت لهم العصير (وكان عبارة عن عصير أصفهاني)
وبعدها حطيت السفرة كاملة مع الحلا عشان بعدها ناخذ راحتنا في الجلسة مع بعض وكنت ابيها في الأرض بس شغالتي مسوية فيها ايتيكيت قالت( لا يامدام حطي طاولة ) وسمعت كلامها قلت كذا افضل بدل جلسة الأرض اللي تكسر الظهر وفي النهاية البنات اصروا ان الجلسة تكون ارضية طبعا بعد ماحطيت الأكل عالطاولة
هذي صورة اللأكل على الطاولة ماكانت مرتبة تمام مشي الحال
ونبدأ بالأطباق أول طبق التبولة (الكل يعرف طريقتها)
وثاني طبق ورق العنب جابته صديقتي معاها
وهذا الملفوف
وهذي بيتزا بالتوست
وهذي صورة الباشميل شكلها مش ولابد لاني نسيت احط البقسماط من عالوجه والملقوفة الشغالة دخلتها الفرن بدون ماتسألني بس طعمها جنااااااااان >>> تمدح نفسها
وهذي ساندويتشات بالتونة(تونة مع طماطم مع بصل ومايونيز وكمون وبقدونس)
وهذي كيكة جايبتها وحدة من البنات
وهذي البسبوسة
ونسيت اصور البقلاوة والمشروبات وكانت عبارة عن بيبسي وميرندا وعصير تفاح والقهوة العربية
واتمنى سفرتي البسيطة تعجبكم
وأي سؤال أنا حاضرة لعيونكم