حياتي الزوجيه..وأنا بين يديكم

السلام عليكم ورحمة الله وبركاته

أخواتي الغاليات

حبيت أن اضع مشكلتي هنا واتمنى منكم النصح لي :26::26:لكوني أخت لكم في هذا المنتدى

أنا الحمدلله صار لي خمس سنوات متزوجه وعندي ولد وبنت ياربي لك الحمد

لكن بعد مارزقني الله العيال أختفى الحب والرومانسيه وصار زوجي كل همه عياله والله أني طفشت من هالعيشه

ماعاد يبادلني الحب والشوق مثل قبل وأكثر من مره صارحته بس مافيه فايده

هو يحبني وأنا متاكده بس مايحب يقول هالكلام الا بمسج بالجوال

وأنا اقول يمكن المشكله فيني أنا وأبي أغير من حياتنا

تخيلو بالبيت أنا واياه مثل الأخوان والله بالشهور حتى ما يلمسني ومع اني احسسه بحبي له وشوقي بس للأسف يغطي وجهه وينام

أبي نصايحكم لي وأبي كل وحده تقولي كيف تدلع زوجها حتى لو عالخاص ابي اتعلم منكم واستفيد والله راح ادعيلها اللي ماتبخل علي بنصيحه

لاتقولون غيري من شكلك ...لأني ناويه اسوي التضويق واقص شعري واصبغه وأشيا ثانيه ابيها لبعدين قصدي لذكرى زواجنا واللحين أنا مشغوله بزواج أخوه

اللي أبيه منكم تعلموني كيف ادلعه واغير من حياتنا وياريت كل وحده تقولي كيف تدلع زوجها وايش تسويله ولو عالخاص


أبي منكم تساعدوني وعلى ايدكم تغيروني

أحبكم