حياتي على حافة الانهيار

بنات الله يخليكم ابيكم تساعدوني بحل مشكلتي
زوجي من لسانه طويل ودايما يتلفظ علي بألفاظ مو عدله
آنه صارلي من تزوجت سنه ونص ومن اول شهر زواج حملت تميت كله في مشاكل معاه لأنه دايما يقط علي كلام بدون سبب ويتهاوش بدون اي اسباب يعني في نفس الوقت احنا قاعدين نسولف يتهاوش
احسه مو صاحي يعني ساعات يتهاوش معاي ويقط علي كلام حده غلط وآنه اسكت واصيح واهوه يصرخ ويهاوش في نفس الوقت يتضحك ويسولف عادي ويقعد يراضيني
والله تعبت ولا عرف شلون اتصرف كل شي اسويه عنده غلط مع انه شي عادي مثلا آقول له حبيبي بتنام يقول اكيد بنام عيل بقعد اشاهدك انتي ماتعرفين تسولفين ويصرخ اقول له ليش تسوي كل ذي يقول لي انتي السبب انتي الغلطانه
والله لو انه تلفونه يخشه عني او الاحظ عنده التلفون مشغول كان باقول يكلم غيري بس اهوه اذا بيروح حق ربعه كلها ساعتين في اليوم ويرجع وتلفونه اربع وعشرين ساعه قدامي واجوف كل مكالماته ورسايله عادي يعني الحمدلله مافي خيانه
بس ليش يعاملني جذي
يوم كنت حامل امي كلمته وقالت له توكم في بداية الزواج وخف على البنت و صرنا سمن على عسل
وعقب ماولدت ذوقني الويل
كان كل يوم يجيني في نفاسي بيت اهلي من الظهر لي المغرب ومايطلع إلا وانه دموعي على خدي
لي ذاك اليوم الوالد درى وناداه وكلمه وقال له اذا تبي تطلق بنتي براحتك ماله داعي التهديد(اهوه كان دايما يهددني انه بيطلقني) وابوي قال لي خل يولي عنك بيت ابوك اولى بك والحمدلله ابوي للحين مو مقصر معاي بشي
بس انا مابي الطلاق لأنه شي مو هين
طبعا زوجي وعد ابوي انه بيتغير وبيصير كل شي اوكي
وتم يترجاني اني ارجع له ويتصل يصيح
انه رجعت له بس صار اخس من قبل
اللحين لازم كل يوم يهاوش ويصارخ واقول له خل نتفاهم ونعيش حياتنه مرتاحين يقولي هاذي الشي الي مستحيل يصير
يعني اهوه مثلا يه الظهر هاوش وقط كلام ونام يقوم المغرب يسولف ويضحك عادي
ووقت الي يبي انه يجامعني يدلعني ومايتم شي مايسويه لي وعقب مايخلص في نفس الوقت يهاوش والله كرهت هالشي بسبته صار بالنسبه لي تأدية واجب لااكثر
كل يوم يقعد يطالع التلفزون وعقب ينام ودي يسولف معاي ونضحك ونستانس تونا في بداية زواجنا ودي احس بالراحه
دايما افكر ان نروح حق اخصائيين لكن ادري انه مستحيل يوافق لأنه مايؤمن بهالشي
ارجوكم ساعدوني