حياتي في خطر

السلام عليكم ورحمة الله وبركاته
اول مشاركه لي واتمنى ماتخذولني بمساعدتكم وارشادكم لي
وكنت دايم اقرا المواضيع لكن قررت اسجل واكتب قصتي وكلي امل بالمساعده
ابدء قصتي
توني عروس واكتشفت زوجي بانه يحشش وكان يدخن مو يمي يجلس لحاله ويدخن ومايرضى لي اجي معاه او ادخل في هالمكان وانا طبعا خليته ع راحته لكن يوم ورى يوم حسيت ان الوضع كلش مو عدل
وبديت ادخل واهو مايدري وشفت القطعه السوده اللي كانها صلاصال وبعدها واجهته وقلت له ابي ادخل معاك او دخن بالصاله
اعترض ورفض وقال ادري انتي تشكين فيني وتفكرين اكلم لاني كنت طايحه عليه بفترة الخطوبه عنده وحده وكان مكذب علي انها من بنات اخته ولما اكتشفت واجهته عصب علي وزعل وقال انتي تشكين وانا ماقدر اعيش مع وحده تشك فيني وصار مايكلمني لمن رجعت وتاسفت له وعطيته وعد اني مااحرك جواله وانا كنت ع وعدي ماحركت جواله حتى بعد الزواج بس ماتركها اهو راح غير الاسم حقها بس وحطها باسم رجال
المهم اكمل سالفة النقاش قلت له اختار شي واحد اما انك تدخل لحالك لا قال انا مراح اترك التدخين وطول ماانا ادخن مراح تشوفيني ادخن واذا موب عاجبج قومي اوديج بيت اهلج ومتى مارضيتي قولي لي
ودخل يدخن وطلع وجلس مروق يكلمني وسئلته عن القطعه اللي شفتها وقال لي انها موب حشيش هذي ذي الدخان عشان يحاول يترك الدخان
قلت له روح المستشفى واخذ علاج احسن قال ماني رايح وانتي ادعي ان الله يفكني
جيت وعلمت اهلي وجلست في بيت اهلي وجا كلم اخوي وقال انها ظالمتني وتشك فيني ع طول وانا مستعد اروح اسوي تحليل لكن اذا كنت سليم ماتجلس ع ذمتي واذا مثل ماتقول اني استخدمه اهي مخيره ونفس الشي قال لابوي انه صمغ للسيارات
وجلست فتره في بيت اهلي وكان يتصل علي ويقول بتخربين حياتج ع وهم وتركي ابليس ورجعي وانا متربي موب ولد شوارع
ابوي كلم اهله وجلس معاهم وخلوه يتعالج اللحين ويبون يصلحون بينا لكن اهلي رافضين اني ارجع له
وغير مكان شغله
لكن اهلي يقولون القطو الكبير مايتربى
وانا محتاره حددي لانه كان انسان حنوون علي وعيبه عصبي واذا فتحت موضوع معاه موب عاجبه مايتفاهم يقول خلاص انتهينا وسكري الموضوع
وانا هذا لي اربع شهور في بيت اهلي وانا لانوم عدل ولا اكل احس اني بحيرره اعطيه فرصه بس حيل اخاف اندم واخاف مااعطيه فرصه ونفس الشي اخاف اندم