أهلين بالجميع ... حياكم الله بموضوعي ..
أبحكي لكم عن تجربتي مع الأذكار والأدعية والنتائج الرائعة اللي حصلت عليها بفضل الله سحانه وتعالى ...
انا قبل أربع سنوات بالتمام كانت حالتي كالتالي ..
....تخرجت من الثانوي بنسبه حلوة وقبلت الحمدلله بالجامعه بقسم حلو وأنا الوحيدة بعايلتنا اللي دخلت هالقسم
طبعا القسم هذا عادي جدا عند أغلب الناس بس بالنسبه لبنات عايلتنا صعب مره....
.... بديت الدراسه أول شي عادي لكن مع الأيام بدت حالتي تسوء
(ضيقة شديدة + كره للكلية + أوهام الأمراض لدرجة إني كل صبح تجيني حاله كأني أبستفرغ (أكرمكم الله ) وأقول
خلاص اليوم أنا تعبانه وأغيب ولما أجلس بالبيت أتشافي ومايصير فيني شي وكل يوم على هالحاله ألى إن فهمت
أمي السالفة وقالتلي إن هذي أوهام إجبري نفسك على الدوام وبتخف وبالفعل صرت أجبر نفسي وصرت طول
الطريق وانا حالتي حاله طبعا الطريق طويل 70 كيلو بس جنب الشباك وبالقاعة دائما أجلس عند اول كرسي عند الباب
وأستاذن بالمحاضرات كثير علشان أطلع لدورة المياه (أعزكم الله) لإني تجيني حاله خلاص ماقدر اتحمل أنكتم بشكل
ماهو طبيعي وطبعا لطلعت برا يخف كل شي ولكأن في شي ..إستمريت على هالحاله 3سنوات ونحفت كثير )
.... وفي يوم من أيام الدراسه في منتصف السنه الثالثة كنت بالمحاضرة وقبل ماتبدا المحاضرة كنت بحال مايعلمها إلا
الله قامت وحده من صديقاتي الله يذكرها بالخير ووزعت علينا كتيبات صغيرة وأنا على طول قعدت أتفرج عليه ولقي فيه
أذكار ودعاء للألم وبدون شعور قعدت أقراه بيقين والله يابنات من لحضتها خف الألم اللي ببطني وارتحت..
والحمد لله من بعدها عرفت إنه ماراح يشرح صدري إلأ الأذكار والأدعية
::وإنتضمت على الأذكار المغرب والصبح وحرصت عليها مره مأطلع الصبح إلا أنا قريتها
::وقبل مأركب السيارة أقول "](بسم الله توكلت على الله لاحول ولاقوة إلا بالله )
ماتتخيلون لما أقوله الشعور الرائع اللي أحس فيه (أمان وراحه وسعادة ماتوصف )
::وأول مأحس بالألم سوا بالسيارة أو بالمحاضرة أقراء هالدعاء ..
أحط يدي على موضع الألم وأقول بسم الله 3 مرات ثم أقول (أعوذبسم الله وقدرته من شر مأجد وأحاذر ) 7مرات
ثم (بسم الله أنت الشافي لاشفاء إلا شفائك شفاء لايغادر سقما)7مرات .
والحمد الله السنه والنصف الأخيرة تغيرت حالتي ونفسيتي اتحسنت وحتى صديقاتي لاحضو هالشي وتخرجت اللصيفية اللي راحت الحمدلله ونسبتي حلوة يارب لك الحمد ..
النتائج...
..أهمية المحافضة على الأذكار ..
.. القوة والصبر والتحمل لازم تتحملها البنت اللي تمر عليها هالحالات (لأني كنت بلحضات كثيرة أفكر إني أترك الكليه )
وأتمنى إنكم تدعولي بتيسير أمور زواجي .. وأن تدعون لصديقتي بالتوفيق والذريه الصالحة ..
::جود:: @god_42
عضوة فعالة
يلزم عليك تسجيل الدخول أولًا لكتابة تعليق.
mrs-hawaa
•
جزاك الله خير
الصفحة الأخيرة