حياتي قلبت تعاسه ونكد من اول يوم حمل

السلام عليكم كيفكم بنات
والله انا مالي الا ثم انتم اشكيله حالتي ماني قادرة حتى اشتكي لخواتي كل يوم اكلمهن اضحك واسولف ولا افتح فمي بكلمة اجامل الناس وفيني ضيقة ما يعلم بها الا الله والله اني خايفة يكون فيني اكتئاب حمل عصبيتي كلها على زوجي قمت اكرهه ما عاد اتحمل منه شي طبعا هو يشتغل بمدينه ثانيه يجي عشر ايام ويروح عشر ايام الايام الي يروح فيها احس باكتئاب فضيع جالسه ببيتي بين اربع جدران انا و ولدي والمسئوليه كلها على راسي حتى الزباله وانتو بكرامه انا الي انزلها اكبها بالسطل فوق هذا كله التعب الجسدي الي احس به والله انه يجيني الم بجنبي احس زي السكاكين بجنبي وارحامي يعني كلها تجمعت فيني النفسية والجسدية والحين طلع لنا راعي العمارة بسالفة اخلو الشقة وماعطنا غير شهرين نفضي فيه البيت والله خايفة مو من الناحية المادية بس من الناحية الجسدية اخاف انه اشتغل بالنقل والشيل والحط واتعب قمت اخاف يجيني اجهاض اتذكر بحملي الاول ماعانيت لا بالناحية النفسية ولا الجسدية والله يابنات انه حتى النوم ماعاد اقدر انام فيني ارق مو طبيعي ولو نمت نمت بس ساعه والا ساعتين وقمت اطالع بنفسي بالمرايه ولا اعرف نفسي وجهي تعبان ومصفر صايرة اخوف والبكاء ما اوقف عنه طول الوقت ابكي والله اني اكتب لكم الحين وانا ابكي وتجيني اوقات ما ابكي فيها بكاء عادي الا اصيح صياح هذا الكلام ماحد يدري عنه الا رب العالمين وانتم جتى امي ماتدري اذا شفت الناس امسك نفسي وابتسم واسولف واضحك لكن بداخلي ضيقة و ودي اجري واطلع من المكان الي انا فيه زوجي اعصب عليه لكن عمري ماقلت له الي احس به ما اقدر اقوله احس الي فيه مكفيه ولا بيده شئ يقدر يسويه لي بن هل الي فيني هذا اكتئاب والا يتهيئ لي كل ليله اصيح واشكي حالي لرب العالمين لمن اصيح باعلى صوتي احس براحه والله اداوم عالاذكار خايفة على ولدي الي ببطني والله ادعولي وانصحوني الله يخليكم