حياتي كل مالها تنزل ! بديت افقد صديقاتي وافقد نفسي ساعدوني

حبيبتي لاتحسبي احد مرتاح والله كل مين بهمه سواء المتزوجه او غير المتزوجه او المطلقه وهكذا لكن انصحك ان تلجائي لرب العالمين والله مافي احد ارحم فيك من رب العالمين اسالي الله ادعي من قلبك واتصدقي واستغفري اسال الله ان يحقق لك ماتتمني من خيري الدنيا والاخره يارب وكل من قال امين

تقربي من الله وبتشوفين السعاده الحقيقيه
اقرائي سورة البقره فيها البركه

ارجعي لربك وتتعدل امورك ان شاء الله


الآن اغلب الناس يشتكون من الهم والفقر

احيانا يكون قدر

لكن المؤمن امره كله خير

اذا اصابه ضراء صبر فكان خير له

واذا اصابه سراء شكر فكان خير له


توكلي على الله وهو حسبك

وكثري من الاستغفار

وقول

حسبي الله ونعم الوكيل

قلتيهاااااا

اوكية ..انتي هالحين سويتي دائرة واخذتي معك الحزن..والكآبة والافكار السلبيه
وسكرتي الدائرة ..
وعشتي نهارك وليلك فيها..بدون ما تفكيرين تطلعين منها بأي شكل من الاشكال>>هذا اللي اتضح لي من كلامك...


يمكن تقولين لي انا ماخلقت المشاكل..ولا الحزن لـ ذاتي

لكني بقول لك لا..انتي اللي جبتي الحزن وسمحتي للكآبة تعيش بداخلك..
طردتي الفرح من قلبك يوم بعدتي عن ربي..

وابتعدتي عن اسمى معاني السعادة الحقيقية يوم تجاهلتي وازعك الديني وصرتي تفكرين بطريقة سلبية بعيد عن هالجانب الاساسي في حياتك..

اذا صلحت صلاتك صلحت حياتك وآخرتك بعون الله..

مابي اتفلسف عليك ..كل ماهنالك ان موضوعك بإذن الله سهل..

لكن عليك بالخطوات التاليه

1_ اصلحي علاقتك بالله..واهمممم شي صلاتك في وقتها لاتنسين الاستغفار دووم دووم دوووم

2_ سوي جلسات استرخاء عميقه..بحيث انك تطردين كل الافكار السلبيه من عقلك..

3_ حاولي ما يكون عندك وقت فراغ كثير...اشغلي وقتك بالمفيد دايم..لاتقولين ماعندي شغل..ياكثر الشغل بس وين اللي يبي..

4-لاتركزين افكارك على ظروفك السيئة اللي مريتي فيها..قولي الله بيعوضني عن كل حرمان وكل الم شعرت بهـ../ ومو على طول تقولين فلانه نستني..وفلانة تركتي..وفلانة ماعاد اتصلت فيني..ومحد يمي>>كلها افكار تدمر النفسيييه..الله عطاك نصيب من السعادة بس لازم تصبرين وتعرفين تتعاملين مع رب العباد...


لازم ياجماعه تكون ثقتنا بالله اكبر ..

ثقي بالله ...وتقربي له...وتأكدي ان كل ظرف تشوفينة سيئ يمكن يكون فيه الخير الكبير اللي ما تدرين عنه..ياخير بالدنيا لكن ربي يبي يأخرة شوي لين يجي وقته..او رفعة من درجاتك عند رب العالمين/يكون امتحان من رب الكون يختبر فيه قوة صبرك على البلاء..

اسأل الله العظيم رب العرش العظيم ان يفك ضيقتك..ويفرج همك..ويهديك انه على ذالك قدير..


عليك بالدعاء في نصف الليل..له لذة عظيمة لا يعلمها الا من تذوقها وجربها >وهنئآ لهم