حياتي نكد والسببب ؟!!

سؤالي ..عمري 22 سنه وفي شهر رجب اكون 23
سنه هل انا عانس ؟؟!!
تقدم لي 5 شبان من كان عمري 18
سنه واخرهم قبل شهرين ..
لكن 18 كنت ادرس واللي بعدهم
ما ناسبوا ..انا طرحت هذا
السؤال لاني اعاني بشكل لا يوصف
من الحزن والالم الحمد لله
عندي ام واب يسوون الدنيا وبنظرهم انا صغيره
ومافيني شي يعيبني انا بنتهم البكر ..ولي اخوان اصغر مني ..
انا حكيت عن اهلي عشان تعرفون ان همي مو من امي او ابوي ..
همي من جدتي ام امي ومن ام ابوي ومن خالاتي ..
دائما اتعرض لنغزات تألمني والله العظيم اني حاليا اعاني من اكتئاب
لا يوصف تصوروا ني انعزلت عن اقاربي لمجرد اني ما احب اسمع منهم دعوه لي
(( الله يرزقك بالزوج الصالح )) او (( قولي امين ما يمر هالشهر الا وانتي مخطوبه ))
ممكن تقولون هذا طبيعي وكل البنات ينقالهم كذا ينقالهم لكن بوجه
سفر وتعابير فرحه مو تعابير الم وكن اللي يدعون لها محتاجه شفقه
اللي تعبني اكثر ان لي خاله قدي تزوجت قبل شهرين ومن يومها وانا تعبانه
لاني مابديت اسمع الدعوات الا من بعد زواجها ؟؟ارجوكم كونوا منصفين
ولا تجاملون او تتكلمون بطريقه تنظيريه تخيلوا بناتكم بعمري او خواتكم او
اي احد هل تنظرون له بشفقه ؟؟!!ثانيا احب اوضح لكم اني عاقله ومنيب
مهبوله او مكبره السالفه ..ممكن من يقرا كلامي يحس اني اعطي الشي
اكبر من حجمه ..لا ابدا ..تحصل مواقف تأذي مشاعري لانها اكبر من دعوه
مثلا سالت جدتي بيوم سؤال وهو يما ليه خالتي (( فلانه زوجتوها واحد مطلق ))
ردت وقالت غصب عني ازوجها صار عمرها 22 وهي ما تزوجت ؟؟؟!!!رديت
عليها وقلت وانا عيوني طايره انا عمري 22 يعني انا لازم اتزوج ؟؟انحرجت
وقالت لا مب قصدي بس البنت بنت عمها اصغر منها وتزوجت قبلها لازم ازوجها
عشان اهلنا مايحكون فيها ؟؟!!!!إذا انا اعرف ان تفكير جدتي بهالطريقه ( تقليدي )
وهي باستمرار وكل ما شافتني وقدام اللي يسوى ومايسوى ترفع يديها وتقول
انشالله مايمر هالشهر الا وانتي متزوجهيارب انا ادعي لك ليل نهار ومنهالحكي
وخصوصا انها ما بدت تدعي لي الا يوم بنتها تزوجت وخصصوصا انها عروس
وقدامها تدعي بشكل مبالغ فيه وبطريقه شفقه ورحمه مالي حق اتضايق ؟؟!!مالي
حق احس باني ناقصه ؟؟!!والله والله والله اني ماينقصني شي ..لما احضر زواجات
الفت نظر الناس ويسالون عنيواوقات احمد ربي لاني متميزه عن البنات بكل شي
ومن ضمنها اني جذابه جدا .لكن الانسان لما يتعرض لمثل هذي المبالغه يطقش
والله اني صرت احس ان لو تزوجت والله مانيب فرحانه ولا نيب حاسه
بشعور حلو لاني احس ان هذا الشي متأخر عن البنات (( بسبب جدتي وبسبب كلامها ))
انا اتضايق لاني اعرف موقفجدتي من عمري ومن الزواج لذلك اتضايق ..لكن لو كانت
تشوف العكس وتدعي لي بحس براحه وبكون مثل كل الناس ..لكن لانها كذا تزعجني
وتحسسني بالنقص ..اما بالنسبه للي جوني والله انهم ما عرفهم ولا اهلي يعرفونهم
ولا قد شافوني جوني من كلام الناس كل وحده تدق تقول سمعنا عنكم .. وهذا ولله الحمد
شي يفرحني لاني من البيت للجامعه ومااحضر عزايم ابد والزواجات واحد بالسنه ومع
هذا جاني خطاب لكن انا جدا حساسه والله ان الكلمه تاخذني وتجيبني ..وصراحه اشوف
ان مجتمعنا السعودي متخلف من هالناحيه بشكل محزن وانا اعني النجدي بشكل خاص
والا الحجازيين والشرقيين وغيرهم غير عننا مره ..والله لو كنتوا تعرفون
تأثير هالشي علي كان حزنتوا ماثر علي بشكل كبير ..لدرجه اني ادعي ربي
ياخذني اذا هو مقدر علي اني اكون عانس مو لاني ابي الزواج وما اقدر اعيش
بدون زواج لا ..لاني مابي احد يشفق علي او يدعي لي وهوراحمني محد دعا لي
وهو باسط تعابير وجهه معفسين وجوههم وهم يدعون ؟؟!!من كثر ما افكر بهالموضوع
احس بالذنب لاني خيبت ظن اهلي ؟؟!!والله ان امي تقولي ماعليك من امي
(( اللي هي جدتي )) لانها حرمه كبيره ورايها تقليدي الدنيا تغيرت والله لو حنا
نشوفك كبيره كان زوجناك بدون ما نشاورك اللي مريحني ان امي توافقني بان
جدتي تجرحني ومو بس هي مواقف كثير تجيني من خالاتي وغيرهم ..وامس اللي
خلاني اكتب الموضوع اخوي عمره 10 سنوات يقولي()( انتي ليه الا الحين ما تزوجتي ؟؟
ردت عليه امي عييييب تقول كذا قالانا ما قلت شي اسأل وش السبب اللي ما خلاها تتزوج ؟؟!!
انحرجت وتضايقت وحمر وجهي وضاق صدري ؟؟يعني انا كبيره ؟؟!!
والا لان خالتي اللي هي صديقتي من ايام الطفوله تزوجت صار يعني انا ناقصه ؟؟
انا لو قبلت باللي جاني وانا عمري 18 كانانا الحين متزوجه قبلها ..
لكن هذا نصيب كيف افهم اللي حولي انا حساسه وبسهوله اتأثر باراء
اللي حولي والله ان اخوي 10سنوات وخلاني اوسوس ..
؟؟فكيف بجده وخالات باستمرار يضايقوني ..
ارجوكم محتاجه دعواتكم لي تدرون اني ادعي ربي انه يرزقني بالنصيب
اللي يقهر خالاتي كلهم من كثر ماهم قاهريني
(( تخيلوا وين وصلت معقوله اكون بهالعدوانيه وافكر بانهم
اعداء لي بينما هم اهل لي وعشت طفولتي معهم وكل اجازه
انا نايمه عندهم ..
..بس يسوون تصرفات غبيه خلتني اطلع عن طوري
والله اني متأزمه نفسيتي
والله اني ماعاد اروح لهم زي اول ..اسفه لاني طولت عليكم ..ولحد يسخر من
مشكلتي لا الله يبلاه لاننا مهم نكون مسؤولين عن اي كلمه نقولها
هل هي تضايق اللي قدامنا او لا