حييييل منصدددمه💔

بنات انا في صدمه والله العظيم احسني ما استوعبت اللي صار صديقه عمري وحياتي وهي كانها اختي سنين طويله مع بعض من احنا صغار الى الان واعمارنا الحين بالثلاثين
كانه اخوات اشاركها بكل شي يخصني ويوميا نسوالف مع بعض اكتشفت انها تملكت من السناب شفت صديقاتي منزلين صوره ويباركون لها
طبعا انا باركت لها في السناب بس انصدمت دخلت الواتساب شفتها كاتبه من دقيقتين ترى تملكت وكل شي صار بسرعه ، ....طبعا انا في حاله ذهول وباركت لها وقلت ليه ما بلغتيني انا اختك ؟؟
ردت على كل شي صار بسرعه انخطبت برمضان واليوم تمت ملكتي سكت انا وقلت لها على العموم الله يسعدك(يعني من شهور مو مثل ما تقول كل شي صار بسرعه) وانا على نياتي صار لها ايام وهي تسالني عن محلات فساتين ومحلات حلويات وهي بالعاده ما تسالني كثيرر بس اكيد ارد عليها وارسلها حسابات حلوه وتسالني عن رجيم قوي ..وكنا نتناقش
يعني هي عارفه وتجهز قبل فيها شي لو بلغتني؟؟ انتم لو مكاني ايش تحسون فيه؟
انا انصدمت يابنات هذي اختي كل اسرارنا عند بعض شلوون ما علمتني بموضوع مهم مثل هذا واللي ضحكني انه تقول كل شي صار بسرعه كيف بسرعه؟؟؟؟ وهم خاطبينها من رمضان؟
يابنات انا اكيييد ماا احسدها بلعكس بفرح لها اكيد واحنا دايما نقول متى نتزوج ويصير عندنا اولاد ونفرح
وغير كذا انا اعلمها بكل شي يخصني يعني لما يتصلون ناس يبون يخطبوني ابلغها على طول ترى ناس من الفلان الفلاني بيجون وتشوفني امه
وهي بعد كانت مثلي بس في هذا الموضوع ما قالت لي
وغير كذا هي تنصدم لو وحده نعرفها تملكت وما تقول ودايما كلامها لي ليه ما يقولون البنات يعني بنحسدهم !
طييب هي ليه سوت فيني كذا واللي يضحك الناس درت وتبارك وانا اخر وحده اعرف
وش موقفكم يحق لي ازعل ؟؟ انتم لو مكاني كيف ردت فعلكم اذا اختك وصديقتك من كنتوا صغار الى صرتوا في عمر الثلاثينات وواعيات وغير كذا هي اقرب لي من اختي
بتنصدمون والا عادي؟؟