خااايفه واندم بعدين بلييييز ساعدوني يا بنات

مرااحب بنات قولولي شو اسوي ويه ريلي هو ما يكلمني من 3 ايام وشوفوا السبب واحكموا امنو الغلطان فينا؟

انا مالجه يعني هو زوجي انا عمري 19 بس داخله ع العشرين جريب وهو عمره 25 بس بعده ما دخل علي وعرسنا ان شاء الله بيكون في نهاية 10 اذا الله راد انا صارلي مالجه من 3 شهور وما بجى على عرسي غير4 شهور قبل يومين طلعت وياه وسبب الطلعه اني اشوف بيت المستقبل بعد ما خلص من بناء وديكور واقول رايي لانه تصميم البيت والديكور على ذوق ريلي وبيخلي فرش الفيلا انا اختاره ع ذوقي حلو الكلام لغاية اهنيه سرت وياه يوم وصلنا هناك صراحه عجبتني الفيلا وبدا يراويني الصاله والمجلس وغرفة الطعام والمطبخ وغيره لغاية ما وصلنا لغرفة النوم اللي بنعيش فيها مستقبلا ودخلت الغرفه وطبعا الباب كان مفتوح كانت الغرفه كبيره واايد وديكورتها احلى والله صدق شي خرااافي ما اتخيل اني في يوم بعيش في هالغرفه بس شفت في الغرفه حاط (دوشك) اتعرفون الدوشك هي القطعه اللي تنحط على السرير وجديده بقراطيسها بس بعدنا ما اخترنا غرفة النوم فسألته ليش يايبنها يمكن السرير يطلع اكبرمن الدوشك قال مب مشكله **************** فهمتوا شو اقصد وبدا يمسك ايدي *********فانا عصبت عليه وقتله خوز عني قالي ليش انتي امعصبه انتي زوجتي وحلالي جدااام الله شذي شذي باخذ هالشي وانا خاطري فيج الحين طبعا انا رفضت وطلعت قبله ع حوش الفيلا ووقفت عند باب السياره وقتله يلا برد بيتنا المهم ركب السياره كان امعصب وقالي انتي المفروض ما ترفضين المفروض الوحده تمشي ورا كلام زوجها دامني ما طلبت منج شي حراام ولا اللي بنسويه حراام فانا رديت عليه قتله صح كلامك بس ليش انته مستعجل ما باجي شي ع العرس اتريا رد قالي هالسخافه مال البنات
انا ما احبها ما اعرف شو السخافه اللي سويتها والله يابنات ؟ردني البيت حتى ما قالي مع السلامه بس وانا نازله قالي اباج اتعرفين انج عصيتي كلامي وانا ما بنسالج هالحركه وزعل طبعا انا رديت المهم بيتنا وطرشت له مسج فيه كلام حلو عشان الطف الجو وما يزعل وطبعا الحبيب جلبها زعله ورد على مسجي وقالي انا ما برد عليج لين تعترفين ابغلطج واتقوليلي انا غلطت وانج ما اتعدين هالحركه مره ثانيه معاي..


بنات انا ابى اعرف انا في شو غلط بالضبط والله اني احبه مب قادره ع زعله وما ابغي ازعله وهل اسلمه نفسي عااادي انا اخاااف اندم بعدين واذا مب عااادي قولولي شو ارد عليه بالمسج لاني انا قريت قصة اختي شيامي1983 انه زوجها هده في فترة الملجه وقصص ثانيه فخفت صرااحه اتعرض لي موقف مشابه هو صح زوجي بس انا والله مضايجه ما اعرف كيف اعتذرله واقنعه انه يتريا ع العلم يا بنات انه يوم اكلمه ابد ما يكلمني في هالامور كل كلامنا عااادي فصدق انصدمت من تصرفه الي سواه وياي ع العلم انه هو انسان واايد محترم والله يابنات وما يرفضلي طلب واحس ابحبه لي وانه يباني صدق خاصة انه هو يتيم الوالدين وكان متربي في بية عمه وكانوا يعاملونه معامله مب زينه لين ما كبر واستوى بيزنز مان معروف.. والله انه مر بطفوله واااايد قاسيه وانا يا بنات وااايد حنونه وياه فيقولي انه الحنان اللي انحرم في الصغرحسه فيني و اني انا عوضته اياااااه بس والله ما في انسان كااامل زعله صراااحه وااايد طول وماصخ والحين يقولي هذا جزاتي انا ما ارفضلج طلب وانتي ترفضين طلبي والله غمضني يابنات

والله يا بنات اني افكر اسلمه نفسي عشان ما يزعل وهو صح كلامه اني زوجته بس اخاف اخطو هالخطوه واندم عليها بعدين واخاف يكون اختبار منه يبى يشوفني سهله او لا والله ماني عارفه كيف افسر تصرفه

انتو شو شايفين يا بنات هل هو اختبار او هو صدق خاطره في هالشي ويباه مني الحين وليش متسرع في رايكم ورايكم اعطيه اللي يباه ولا اتم ع اصراري بس قولولي شو اقوله لاني مب عارفه شو اقوله يعني انا بمشي ع حلولكم .. بنات لا تقولوليلي جدمي العرس لانه ابوي امسافر برع للعلاج وبيرجع في شهر عشره اذا الله راد

بنات ساعدوني الله يخليكم ...صدق محتاجه لنصايحكم وحبيت اسال هل طفولته اللي مر فيها لها علاقه في الموقف اللي سواه وياي :26: