خاص لبنات الكويت

هههههه انا مثلك احس طبخهم حلوو
بس للاسف ما اعرف الطريقة

السلام عليكم
إذا كنت تقصدين الدقوس ؟؟ فمقاديره عباره عن ..

4 حبات طماط مقطعه مكعبات صغيره جدا
2 فص ثوم - علبة معجون طماط (صلصة طماط)
1 مكعب ماجي - حبة لومي (ليمون أسود )
حبة فلفل أحمر حار

الطريقة ...

تحطين الطماط في قدر صغير وتخلينه على نار هادية ليمن تحسين انه الطماط ذاب
وصار مثل الماي بعدين تضيفين الثوم ومكعب ماجي ومعجون الطماط واللومي والفلفل وتحطين معاه كوبين ونصف ماء وتخلينه على نار هادية ليمن تحسين انه صار ثقيل وتذوقينه وتشوفين اذا محتاج ملح ولا لأ .

وبالعافية

تسلم ايدك بسويه غدنا بكره ان شاء الله مع المكبوس

لدقوس الكويتي
المقادير:
4 حبات طماطم مقشر
2 ك ماء سلق الدجاج
ملح وماجي وفلفل اسود
ثوم نقليه بزبدة
صلصة طماطم
بصل مفروم
ثوم مهروس
زيت

الطريقة:
نسلق الطماطم بماء الدجاج وبعدين نضيف الثوم والصلصة والبهارات لحد مايغلي..
ونطحنه بالخلاط ، نقلي شوية بصل مع شوية ثوم بزيت ثم نضيف خليط الطماطم عليه ونخليه على النار لحد ما يغلي مرة ثانية..


الطريقه الثانيه للدقوس
المقادير
2بصل وسط مفروم ناعم
4طماطم كبير
3فص ثوم
5حبات من الفلفل الأخضر الحار
1ملعقة أكل معجون طماطم
قليل من الزيت
ملح حسب الرغبه
نص ليمونه أو حسب الرغبه
نص مكعب ماجي
الطريقه
حمري البصل
حطي جميع المقادير الثانيه فالخلاط وخليها تنعم وصبيها على البصل المحمر على نار عاليه
يوم بيغلي قصري على النار وخليه لين ينشف ويصير ثقيل





منقول

طماطم حسب الكمية اللي تبيها .قطعيهم وحطيهم في الخلاط.
وبعدين أحمسي بصلة مع ثوم ومكعب ماجي..
وحطي عليهم الطماطم اللي خلطيتيه بالخلاط ومعه شوية معجون طماطم ..وقصري عليه ليما تطاع ريحته الحلوة
وبالهناء والعافية............